गजेन्द्र ठाकुर इंडेक्स

नाराशंसी

2010-08-17T23:43:00.000+05:30

नाराशंसी- (गीत-प्रबन्ध- गजेन्द्र ठाकुर)

१

कोड़वाह ठाढ़ टिक्करक नीचाँमे

हलमहल कऽ कूटि माटि

सिलोहक बनल मुरुत ई मनुक्ख

छोलगढ़ियाक गुलाबीपाक

एहि बेर नहि जानि किएक रहल कचकुआह

आ बीतल कएक दिन, छठिहारी छठम दिन

कविक कविताक छन्दक रससँ उगडुम करैत

आ डराएल विश्वदेव जे पद्यक रस जे झझाएत तँ

पसरि जाएत सगर विश्वमे गायत्री नाराशंसीक संग

से ओ

कविक कविताकेँ छन्दक रसमे राखि दैत छथि

बलि दऽ दैत छथि

कविक कविताक छन्दक रसक बलि

आ गबैत छथि नाराशंसी।

आ आकांक्षाक अग्नि

पृथ्वीसँ द्युलोक दिस जाइत

माता पृथ्वीक हृदएक आगि

द्यौ पिताश्री पृथ्वीक पुत्र वा भाए

आलोकदीप्त ई नीलवर्णक आकास

अरणिमन्थनसँ प्रकाशित ई पृथ्वी

२

कर्कश बजरी सूगाक स्वर

ओतए धारक पलार लग

आ दूटा धारक हहाइत मोनियारक

भँसिआएल खेबाह कहुना निकलि गेल मुदा

आगाँ बढ़िते जक, बढ़ब आकि धँसब

झाँखीक झझिया करत सुरक्षित हमर गाम

दाह-बोह आएल, किएक ई

एकार्णवा, दह, जलामय, कनबहकेँ झाँपि

खेधा-पौटी नाहक माङीपर बैसि

खसबैत बसेर जाल आ हम दोसर माङीपर बैसि खेबैत छी

ओहि जालकेँ, दिशा निर्दिष्ट भऽ

कन्हेर करैत

जालक चारूकात ठकठकिया करैत

अनैत माँछकेँ जाल दिस

टुस्सा, सारिलबला काठक तँ गाछी विलुप्त

बबुरबन्ना बनल ओहि पारक खेत, कमलाक रेत

बदहा पहिरने लोक, आ ई गाछ बृच्छ

ठाढ़ मुदा हरियरी, जेना दुःखी पीड़ित

टुस्साक निकलब, जेना आगमन कोनो अभागक

चारू कात पसरल कमलाक रेत, आ ताहि बीच टुस्सा निकलब

मुदा संकेत प्रायः कोनो आसक।

आ तखने ध्वनि

मधुर स्वर बला करार सूगाक

कंठ लग लाल दागी बला अमृत भेला सूगाक

स्वर अबैत बनि नाराशंसी।

३

गायत्री बनि गेल चिड़ै आ बिदा भेल गन्धर्व लोक

अनबा लेल सोमरस

ओहि रसमे उगडुम करत हमर कविता

नहि बुझल अछि व्याकरण छन्द

त्रयोदशीकेँ व्याघ्र केलक हत्या पाणिनिक

त्रयोदशीकेँ के देलक शिक्षा हमरा?

जखन व्याकरणाचार्य बन्न केने छथि,

बन्न अछि त्रयोदशी तिथिकेँ व्याकरणक पठन-पाठन

व्याकरणाचार्य नहि पढ़ैत छथि, नहि पढ़बैत छथि ओहि दिन व्याकरण

आ त्रयोदशी तिथिकेँ अबैत छल गायत्री चिड़ै बनल

त्रयोदशीकेँ के देलक शिक्षा हमरा

चिड़ै बनल गायत्री देलक हमरा शिक्षा गबैत नाराशंसी

......

मड़ियाक सूक्ष्म प्रहार

बनबैत अछि सोनक काञ्चनपुरुष।

आ एतए

पुत्रक उत्पत्तिक पूर्वहि राखब ओकर नाम?

काञ्चनपुरुष!

ने कोनो सूत्र ने कोनो ठाम

आ तकर बादक सभ गप, बात-विचार

ककर के,

आ ककरासँ ककर

के अछि ओ ठाढ़ जे आएत हमर माँझ

…

पघरियाक प्रहारक काजो नहि

सुखाएल अछि जड़ि

फेर..

फेर कमरसारिक खट-खुटक ध्वनि

सड़ेस कागचक बालु जेना आक रेत

आ हम दसौढ़ी चौकठिक आगाँ भेल छी ठाढ़

दसौढ़ी चौकठिक दोहराएब नहि पसिन्न

नहि पसिन्न सूक्ष्म कलाकृति

जे लेने रहैत अछि, नुकेने रहैत अछि

कएक टा रहस्य

कएक टा बात-विचार संस्कार

....

काञ्चनपुरुष!

आएत हमर माँझ?

त्रयोदशीकेँ के देलक शिक्षा हमरा

चिड़ै बनल गायत्री देलक हमरा शिक्षा गबैत नाराशंसी

नाराशंसी- मनुक्खक स्तुति

४

आन्हर केलक हाथीक वर्णन

सूढ़ छूबि बुझल एकरा सर्पाकार

पएर छूबि बूझल अछि एकरा कोनो वृक्ष

आ एकर जड़ि, धड़ि आ छीप

सभटा वर्तुल

भालसरिक ई गाछ

अछि ककर ई सड़कऽ कातमे

माटि भरलापर जे एकर जड़िमे घून धऽ लैत छै

छलै धोधरि ठाढ़िमे

नहि जड़िमे, से लगैत छल कखनो हाथी

लगैत छल कोनो पनडुब्बीक झोँट

आकि केश सस्रबाढ़निक

आ ई सेहो आब आबि गेल सड़कपर

आब ई गामक नहि अछि

भऽ गेल अछि सरकारी

छूबि कए कोना करू वर्णन एकर

भेल आन्हर

सरकारी गाछ

चिड़ै सन वेदी

सरकारी हाथी

चिड़ै बनि गायत्री मिज्झर होइत अछि द्यूलोकमे देव संग

चिड़ै अछि बैसि गेल भालसरिक गाछपर

५

आन्हरक हाथमे संयोगसँ आबि गेल चिड़ै

तेहने हम आन्हर

पकड़ि लेलहुँ चिड़ै

भुसना भथबाक दृश्य

दृष्टि

केबाल जेकाँ कठोर

मुदा पानि पड़लापर भथल

रीझम आ अधघैली लेने

सोबरना आकि बधना लऽ घुमैत

पनिभरनीक माथपर राखल सिरहर देखैत

पुरहर सोझाँ बैसल वर-कन्या

वरक हाथमे अबि गेल चिड़ै

कोड़वाह ठाढ़ टिक्करक नीचाँमे

सिलोहक बनल मुरुत

मनुक्ख

६

आन्हरकेँ देखाएब अएना

गोढ़िआरी, धारक पलार

झाँखीक झझिया करत सुरक्षित हमर गाम

दाह-बोह आएल

किएक ई

एकार्णवा

दह

जलामय

कनबहकेँ झाँपि

पनिझाओ भेल सीमित मुदा तकरा बाद

मधुर स्मृति

आन्हरकेँ देखाएब अएना

७

आन्हरक पाँछा चलत आन्हर सभ पतियानी बान्हि

ई नम्माधग्गी

बिड़इमे होइत मछहर

कच्छाछोप,

काही घुमैत

कौआठुट्ठी गाछक फड़

हेलैत कबइ

कबइजल्लाक

खींचि फिरचइ पकड़ि जाल खिरबैत

टापी छापब, उजाहिमे उपलाइत माँछ

सहदसँ माछक शिकार

इछाइन चारू कात

आ ओतहि खापमे माँछक अंडा

जीरा सेहो

थइरमे छबराक संग माँछ

अमच्छ डबरा, मेहनतिक अपव्यय करबैत

जोह धारक दिशाक

मुदा अबार धारकेँ मारि फेकैत

माँछ

घुट्ठी भरि पानिमे चाँछ

आ ओहिपर चढ़ब धारक विरुद्ध

चालि दैत ई माँछ

खेधा-पौटी नाहक माङीपर बैसि

खसबैत बसेर जाल

आ हम दोसर माङीपर बैसि खेबैत छी

ओहि जालकेँ दिशा निर्दिष्ट भऽ

कन्हेर करैत जालक चारूकात

ठकठकिया करैत

अनैत माँछकेँ जाल दिस

पलइ आ पिठकट

बेच दऽ कीनल माँछ

लावा-दुआ, ठेङी

धोबिया चिड़ै, मछगिद्दी

औकामे गूड़ी सभ उठा

अएलहुँ ऊपर

आन्हरक पाँछा चलैत आन्हर सभ

पतियानी बान्हि

८

अरण्यमे करब रोदन

पानि चारू कात

मखानक बीया खकस्याह

मखान उठबैत छी पेलनीसँ

गूड़ीसँ चोंइटा हटबैत रहैत छी

बाङक बङौरा आ सुखाएल ई बङठी

औंटि कऽ निकालि बङोर तुमब

आ फाहाक पृथक होएत

धुनकीसँ धूनब

लारनिसँ ताँतिपर कऽ आघात

अरण्य-रोदन तात

९

अरुन्धती देखबाक लेल देखाऊ कोनो दोसर तरेगण चमकैत

कारण अरुन्धती अछि मलिन

दोसरापर आँखि स्थिर कऽ फेर देखि सकब अरुन्धती

१०

रावण किए राखलक सीताकेँ अशोक वाटिकामे?

अशोक वाटिकहिमे?

टकुरी कटैत

मड़िआयब छिन्नाकेँ

पागब सूत

गफ्स कपड़ा

ननगिलाट पहिरने बूढ़ी

सोझाँ नन्हसुतमे मलकिनी

११

तूरसँ कड़गर मुदा पाथरसँ मोलाएम

ई ढेपा

हम महान्

मुदा हमरोसँ अछि क्यो म्लन तँ क्यो तेजोमए

कलबत्तू पइसा कऽ गाँथब आभूषण

किरमिची चानीक पानि चढ़ल

मुदा वैह ताम

१२

साँप मारने कुण्डली

ओकर स्वभाव

हमर स्वभाव बैसल छी भऽ चुक्कीमाली

पाग नहि चाही हमरा मौड़

शंकुक आकारक पैघ,

कोढ़िलायुक्त पागक अग्रभागक पेंच नहि

१३

आकाशकेँ मारब मुक्कासँ

चिरतन, ठिकरी, लहेरिया आ जंगलाती छाप

पटोर, गुलबदना, नीलाम्बरी

सोइरीक नूआ

कलफ लगा कए कड़गर कए

भेलासँ दऽ चेन्हासी

खुटिया मिरजइ ओछ

१४

पितृक तर्पणो होएत आ आमक जड़ि सेहो पटि जाएत

तूरक फाहा, पोखरिया

लहेरिया, बदामी, चानपंखा

बेराएब आ सुइया पैसाएब

सिऐन अधलाह, गुलठिआइत तूर

१५

अशा मोदक खा होएब तृप्त?

लखिया भेड़ जेकाँ आगाँ-आगाँ

बथनिञाक बथनाएब अबैत काल

आ खभाएब जाइत काल

बीसटा भेड़क लेहड़

एक सए भेड़क बाग

चारि-पाँच सए भेड़क गँहेड़

भेड़केँ खउरब

१६

वाण बनबैकाल जाइत राजाकेँ नञि देखब!

एकाग्र!

पुरान लोहझाम

लोहङ्गरकेँ

भाथीमे पैसैत वायु

भाथी सालब आ प्रज्वलित करब अग्नि

कलम छेनी

चकरसानपर पिजबैत सरौता

कबिराहाक कनसीपर उठैत धुन

१७

छोड़ल वाणक गति कम होइत-होइत

शून्य भऽ जाइत अछि।

हमर आकांक्षाक अग्नि

पृथ्वीसँ द्युलोक दिस जाइत

माता पृथ्वीक हृदएक आगि

द्यौ पिताश्री

पृथ्वीक पुत्रा वा भाए

आलोकदीप्त ई नीलवर्णक आकास

अरणिमन्थनसँ प्रकाशित ई पृथ्वी

१८

दाँत उखाड़ि विषहीन करप सर्पकेँ

छिलुआ पहलदार बासन

आघातसँ मठारब पित्तरि

कलगैञा लोटा

निरंजनीक दीप

जलधरी

दीयठिमे राखि दीप

टुमटाम गहना

गोबरियाव सोन

जोकठी आ दसकलम

चाँपकली पहिरने ओ

हलुमानी नातीक लेल

पथरौटी पहिरि

पवित्री जनउमे बान्हल

श्राद्धक काञ्चनपुरुष

१९

ऊँटपर लादि लक्कड़

फेर ओहीमेसँ निकालि एकटा खुभड़ी

पीटब उष्ट्रकेँ

२०

परती खेतमे पानि बरसियो कऽ की करत?

कनसारी भुज्जा

दाबापर उझकुन ओहिपर राखल बासन

चुल्हाक पौरी

कूरामे धिपाओल बालु

भुजनाठीसँ लाड़ैत

२१

एकहि पल्लवमे एकहि ठाढ़िमे दूटा फल

एकहि कार्यसँ दूटा परिणाम!

मकइक मखानी

सोन्हगर आ झूर नीक स्वाद

मुदा आब अतिखाइन होइत

आँचब आ प्रज्वलित राखब

मुदा हम्हरब आगिकेँ

खोरनाठब मुदा

आगिक खसब पातक ढेरीपर

आ पसाही लागब

२२

जेना कदंबक सभटा कोढ़ी एक्केबेर फुला जाइए

तहिना सभगोटे एक्के बेर ठाढ़ भऽ जाइत अछि

अदहन देल पानि आँच दए तारब

उसीनब कूटि कऽ

मुरहीक चाउर बनाएब

नोन-पानिसँ मोअब

कोड़ाइ

दालिक खोंइचा

२३

केहुनीमे गुड़ लगा कहलहुँ चाटए

बनब हास्यक पात्र

बिनु जमल गुड़

छाल्हीक पातर ममुरी

परतपरसँ काछि कऽ निकालल मलीदा

२४

कम्मलमे गर्दा भरल

आ भरल अछि हमर् पएरपर सेहो

झारब कम्मल पएरपर

तेबासि नीक

मुदा बसियानि

मोटगर भैसाठ

आ पातर तुर्री दही

२५

हाथीटा अछि चिंघाड़ैत

चेहै-चेहै सोर करब तँ भान होएत पाराक

ती-ती-ती-ती सँ परबाक

अतू सँ कुकुड़क

कोइयासँ तेल निकालब

मोहब आ दऽ आएब तेलिहानी

तेलीकेँ दऽ बहतौनी

घानी लगाएब आ निकलब धेनुआर घानी

घानी निघरब

तेलहनक अवशेष खरी

उज्जर रंगक रेह

नोनथरा

कोठीसँ निकलल

पनारसँ चुबैत पानि

अवशिष्ट सिट्ठी ढेर नोनफर

काछल फेन खारीसँ खरिआ नोन

२६

तारक फल खसल

तखने बैसल छल ओतए कौआ

मरल अनायास

फेर अवशिष्ट पछाड़ी

दोसर खेपमे काही शोरा

आ पकवा नोन

तेसर खेप तेलहा शोरा

आ नीमक

अवशिष्ट जराठी

जराठी आ सिट्ठीक मिश्रण

बेचुआ

रौदमे सुखा कऽ जरुआ शोरा-आबी शोरा

कच्चा शोरा परिशुद्ध भऽ कलमी शोरा

नोन- रामरस

कम नोनगर- मधनोन

२७

दहीक रक्षा करू घुमैत कौआसँ

तँ कुकुड़ बिलाड़िसँ सेहो करब रक्षा

मानले गप अछि!

कटियामे मधु राखि

चिड़ै मारबा लेल नर-सर

नाल गुआमे पैसल

नरक उपरका सिर आ नीचाँ भारू

सरमे कमची सभ

पकड़बा लेल चिड़ै कम्पा

मन्तुर पढ़ि छत्ता लग जाएब

मधुर स्वरक करार सूगा

कंठ लग लाल दागी अमृत भेला सूगा

कर्कश बजरी सूगा

तुनकारी दऽ बिज्जीक शिकार

२८

कौआक नहि होइछ दाँत

तैयो तकर गवेषणमे छी लागल

२९

कौआक अछि दूटा आँखि

मुदा देखैए ओ एक्के आँखिसँ

एकटा आँखिक पुतली दऽ दोसरमे तँ दोसरक पहिलमे

एकाक्ष

एकदृष्टि

जेम्हर देखब तेम्हरुका आँखिमे चलि जाइत अछि पुतली

तहिना भाव एहि नाराशंसीक

अनेक तरहक

कान रहित घैल- मोइट

इकरी

पानक जड़ि लग गारल खरही

आ ओहिपर ठाढ़ लत्ती

राड़ी घासक टुकड़ी

काइससँ बान्हल

सरपत घासक टुकड़ी

बन्हकासँ बान्हल पानक ढोल

मोरल पानकेँ सीकीसँ

बाँसक पातर शलाकासँ गाँथल

बेल निकलल शाखा कनार

इकरीसँ गछौठौनी

पानक लत्ती- छर्रा

गीरहसँ युक्त छर्राक भाग- बेल

लतीक छीपकेँ काटब

छपटा करब

जड़ि लगक चारि-पाँचटा पानक पात- घासन

ऊपर चारि-पाँचटा पानक पात- कूट-खूट

ऊपर चारि-पाँचटा पानक पात- कचलेवारि

छीपपरक पात- मुड़वारि

पात तोड़बाकाल कूटक एक-दूटा पात किछु काल लेल छोड़ि देल

जड़िसँ छीप धरि दुपन्ना

सभटा पात लेवार

पानक कठोरता तज्जी

झलमा बीमारी भेने पान कड़ू भेल

फुट्टा बीमारी भेने पात गलल

पात गलि कऽ तुबब तेलगगरा बेमारी

पात सुखाएब झरकब बेमारी

बढ़ती बेमारी पातक अग्रभाग झरकब

पानक पातक फेरफार नहि भेने झरकब बेमारी

बहुती

३०

पटौनी लेल बनाओल बाहा,

शुद्ध पानि

सींचित करैत अछि पेटक पियास सेहो

बीस पात- कोरी

पचास- चौठैय्या

एक सए पात- आधा ढोली

दू सए- एक ढोली

सात ढोली- एक कनमा

अट्ठाइस ढोली- एक पौआ

छप्पन ढोली- आध सेर

एक सए बारह ढोली- एक लेसो

एक ढोलीसँ कम पात- भीड़ा

छोट भीड़ा- भीड़ी

अत्यन्त छोट भीड़ी- भिरौड़ी

पातमे बान्हल भीड़ी- पतौरा

भिरौड़ी-पतौरी

छुट्टा- डंटी सहित बिनु काटल पान

तबक- पानमे साटल पन्नी

३१

कूपमंडूक पालन

नरक विकाससँ अनभिज्ञ

खील एक सालक खजूरक गाछ

नहि भेटत हमरा गाममे खजूरक गाछ

खीलकेँ गर्दनि लग छिललापर खिलकट्टी

पौ- तीन सालक रस चुअयबा योग्य गाछ

एक सालक ताड़क गाछ- खगड़ा तीन सालक जोता

डल्ली डंटी सहित पात ताड़ आ खजूरक

तारक डंटीबला डल्लीक भाग- डमखोरा आ पातबला- छाजा

उपरका भागसँ नव पातक अंकुर फुटैत छैक- बीड़ कलगी

गोभा खोआ बीड़क लगबला मोलाएम भाग

बीएड़ ओ ओकर चारूभाग पातक समूह- मौड़

ताड़-खजूरक गाछी- बगात

खजूरक बोन- खजुरबन्नी

डड़कसपर ओंङठल पासीक शरीर गाछ छिलबा काल

महालीपर कपड़ाक छनान मुँह बान्हने रहैत अछि

माटिक कटियामे ताड़ी पिबैत

सभसँ छोट नपना- गुड़की

दुन्ना गुड़की- अधचौठी

दुन्ना अधचौठी- घचक्का

चारि चौठी- घैली/ बेचाढ़ी

नाम आकृतिक घैली- दोकानी बम्मा

छेबब गहींर कटोरी जेकाँ छेबब गरदनिपर

फेर तेसरा दिनपर पातर-पातर परत पृथक करब- पहटब

छीलल भागक निचला भागमे जीहक आकृतिक बनाबटि- जिभिया

पसीखाना

३२

कूपयंत्रक घट सन

निचुलका पानिसँ भरल

उपरका रिक्त

सूड़ी आ कलवार

माटिक पैघ तौला- माट

बाँसक दंडक अग्रभागमे ठोकल चाकर औजार- खड़ुआ

देग- तामक पैघ तौला

देगक ऊपर पेनीविहीन कोहा- डिमनी

डिमनीक ऊपर औन्हि कऽ राखल बासन औन्ह- तमिया औन्ह

औन्ह- चोंगर

डिंगरी- तामक तौला- एहिपर चोंगर औन्हल रहैत छैक।

कसौंझी- गुड़ आ महुआक मिश्रण

खूब पातर दोकानी दारू

दोकानीसँ कम पातर दारू

दोबारा- दुधियासँ मोट दारू

दोबारासँ मोट दारू- सौंफी/ सेबारा

कसमौर- सौंफीसँ कड़ा दारू

तारी आ दारू फेंटि कऽ झक्का

भट्ठी चलओनिहार भटबाह

भटबाहक मजदूर- गद्दीवान

३३

क्षीरनीर जेकाँ मिलि जाएब

एकाकार

लहेरीक लहकम

पेमर-चपड़ामे पीयर रंगक पाउडर फेंटल

डर- चूड़ीक आरम्भिक स्वरूप

डरकेँ गोल करबा लेल काठक बेलनाकार औजार-कुन्द

चउँकी- चौखूट नग

फुकाठीसँ फूकब आगि

चूड़ी सभ सटि ने जाए से चिड़नीक प्रयोग होइत अछि

कटैया- तैयो सटि गेलापर खोलनीसँ पृथक् करब

पलसब- डऽरकेँ लोहाक खूरासँ चापट कएल जाइत अछि।

गोबब- गोबनासँ चूड़ीपर फूल बनाओल जाइत अछि।

नीलवर्णक चूड़ी- तीसीफूल

गूआमाला- लाहक डमरू आकृतिक वर-कनियाँकेँ पहिरएबाबला गहना

लट्टोपट्टो- लाहक धियापुता लेल खेलौना

तोरा- चूड़ी सभकेँ बान्हि बनाओल समूह

फूटल लहठीक टुकड़ी- कटैल

३४

नीलाकाश दिस ताकि चरब घास!

जोमक काठक धोबिया पाटपर पटकैत

खिरहरीक स्पर्शसँ कपड़ा

ठाढ़ गोरारीपर

ठेकपर लोहाकेँ राखि

कान्हमे बकुच्चा

गदहापर लादल लादी नमगर

गौँछा मुट्ठी भरि कपड़ा

लपेसब दग्गीयुक्त भागकेँ

गाड़ल ऐंठि कऽ आ जमा कएल अगोट

करघासँ उतरल कोरा

गोबरझार दऽ चमकाएब

३५

भेड़ाक झुण्डक एकटा भेड़ा खसल धारमे अनायास

तँ धर्रोहि लागि गेल सभ फाँगए लागल सायास

झलझल सालू

खासासँ पातर अद्धी मलमल

तीसीक डाँटक तिसिऔटा वस्त्र

पातर सूत- डेम्सी

भौजीक गोझनौट

दरजीक अनामिकाक अंगुरताना

पाञ्जरसँ कन्हा सेस्त

दुनू कन्हाक बीचक दूरी पुट

पएरक नीचाँक घेरा मोहरा

सरल रेखाक सिलाइ सुरेबी

टेढ़का रेखा- उरेबी

दरजीक बखिआयब

आ कोरपर देब चाँपा बखिआ

फाटल कपड़ा तानी-भरनी बुनाइ रफ्फू

फाटल कपड़ामे चिप्पी- चेफड़ी

नाम कपड़ाकेँ कोचिया कऽ चुनिआयब

-पहिरि साठा पाग

३६

कड़ू दवाइक असरि कम होएत

बाल जीहपर धऽ दियौ कनेक गुड़

३७

बनिजारसँ घुरैत वणिक

झटकारि चलैत जे भोर होएबासँ पूर्व पार करब नगर

मुदा भऽ जाइत अछि भोर आ

नहि बाँचि सकल ओकर नगर-कर

सभ मेहनति बेकार

वाद्य यंत्रकेँ चामसँ छारब

मृतप्राय आ मुइल माल- डाङर

मालक मुइल छोट बच्चा- गैना

अधेर भऽ मुइल माल- लाइट

मुइल मालक चाम- मुरदारी

मुइल गाइक चाम- गोइटा

मुइल महींसक चाम- भेंसोटा

उज्जर कएल चाम- चरकी

पीअर कएल चाम- साम्बर

मुइल मालसँ चाम खलब-स्थल- चमखल्ला

चमखल्ला धरि पशुकेँ लऽ जएबाक दंड- सङरैठा

छूरीसँ चामकेँ उपयुक्त स्थलपर काटब-बनछोलब

गाइक नाभि लग उज्जर दानायुक्त पदार्थ- गोरोचन

रोआँ उखाड़ि सीबि धोकरी बना आम महु बबूर बाँझीक छालकेँ कूटि पानिमे घोरि भरि देल

साधारण तारकाँटी

चाकर माथबला बोमा काँटी

गोल माथबला गुलमेख काँटी

छोट आकारक काँटी धन्नी

अर्धच्अन्द्राकार लमनचुसिया काँटी

जूताकेँ चमचम वा मोलाएम बनएबा लेल अंडी तेलक प्रयोग

बबूर शीशोक सारिल भागक टुकड़ा चाम

कटबाक ठेहाक रूपमे प्रयुक्त –पहटा

चाकर धारबला सीबाक औजार-तिजकरनी कटरनी

पातर कटरनी- कलौसिया

मोट तागक लेल कटरनी- वाल्टी

दू तरहक सिलाइ- साधारण एकहरा

-जंजीरा सिलाइ सूतक श्रृंखला

मोम रखबाक लेल प्रयुक्त बकरीक सिंघ- तिजमन

पएकर- जूतामे सुगमतासँ पएर पैसेबाक औजार

पिजएबाक लेल प्रयुक्त पाथर- लगौना

पिजएबाक लेल प्रयुक्त चामक टुकड़ी- चमौटी

ढोलक दुनू कातक मुँह- पूरा

चामक परितः बाँसक कमची- चपनी/ पत्ती

एक भाग खाली चाम- सुर

दोसर कातक चाम भीतरसँ गोल मसाला- गद्द/ बम

मृदंगमे सूतक डोरीक बदला चामक डोरी प्रयुक्त होइत अछि- बद्धी

बद्धीक नीचाँक काठक छोट-छोट गोल टुकड़ी- गुल्ली

छोट पूराबला मृदंग- मानरि

मानरिये सन दोसर- पखाउज

मानरिये सन दोसर- नाल

चाकर गोल कठरा दुनू दिस समान ब्यासक चामसँ छारल- डाङर

चारि आङुरक चाकर वृत्ताकार कठरापर चामसँ छारल- डफ

पैघ डफ- ढक्का

सनगोहिक चामसँ छारल डफ- खजुरी

डोरीक कम्पनसँ ध्वनि- गुमकी

अधगोला छोट माटिक खोलापर चामसँ छारल- डिगरी

डिगरीसँ पैघ वाद्य- जिल

जिलसँ पैघ- भठिया

भठियासँ पैघ- मादल

मादलसँ पैघ- ढाक

ताहूसँ पैघ- नगारा

ताहूसँ पैघ-डंका

छाँछक आकृतिक माटिक खोलापर छारल- तासा

पिपही आ ढोलक समूह- खुरदक

शहनाइ संग प्रयुक्त छोट नगारा- नौबति

छोट पूरासँ युक्त ढोलकक कठरा आकृतिक माटिक खोलपर छारल वाद्य- चानखोल

लोहारक भाथीपर चाम चढ़ाओल जाइत अछि- भाथी सालब

घी रखबा लेल चामक पात्र-कुप्पा

३८

घुण लागल पोथीक आकृति

आभास दैत कताक अक्षर

संयोग!

मालि

फूलक बाड़ी- फुलहर

खेतकेँ जोति-कोड़ि सरंजाम करब- चउकिआएब

कोदारि द्वारा कचिमाटिकेँ पातर करब- थलिआयब

लोटैत गाछ- भुइयाँलोटान

गाछक पात सभक ऐंठि जएबाक क्रिया- कुकुरियाएब

फूलक रंग मलिन होएब- सुर्खी उतरब

मौलल फूलक स्वतः खसबाक क्रिया- तुअब

खुरचनिञा फूल- जेठसँ अगहन

कमलक धड़बला डंटी- मृणाल

कमलक धड़बला पात- पुरैनि

फऽड़- कमलगट्टा

कन्द- बिसाँढ़

रक्ताभ लाल रंगक प्रभेद- कोका

करबीर- लाल-बारहोमास

कामिनी- चैतसँ अषाढ़- सूक्ष्म थौका उज्जर एकहरा

कुमुदिनी- भेंटक प्रभेद

गुलाब- काँटयुक्त गछुली

थलकमल- स्थायी पैघ गछुली- आसिनसँ अगहन भोरमे, फुटबाक समए रंग उज्जर, प्रकाशमे लाल।

भेंट/ मलकोका- उज्जर- आसिन कातिकक रात्रि

बकायन-स्थायी विशाल गाछ, एकहरा उज्जर, कातिकसँ पूस

मधुरी- आलरंग, एकहरा,छोट गछुली, उनटल कटोरी सन, आलरंग, धनखेतीमे, कातिक-अगहनक रात्रिकाल

मालती- स्थायी लत्ती, छोट एकहरा, हल्का उज्जर फागुन चैत

लवङलता- पातरपातबला अस्थायी, लौंगसदृश लाल रंगक फूल, फागुन-चैत

संझा- अस्थायी, एकहरा, लाल पीयर,उज्जर, चैतसँ आसिन

फुलबारीक घेरा- जैंत, नागफेनी,बगेयाक काँट, पसीझ (दुधिया आ मुठिया), फरहद, सिनुआरि, बालछड़ी

औषढिबला- गनि, गेठबन, गेठिया, धीकुमारि, पथलचूड़, पुदीना, मन्तरा

मएनापात- सिन्दूर पिठार दागबला

दग्गीविहीन- ढाककेराक छोट गाछ- पौंछ

थम्हक परतदार अनेक छाल सभकेँ – बखोड़/ बखोड़ा/ बखोड़ैया

प्रत्येक बखोड़ा- डपोर

डपोर सुखलापर छीलि कऽ ओकर उपरका भागसँ बनल ताग सदृश वस्तु- पटेर

मालि क देवस्थानमे चढ़एबाक वस्तु विशेष- कोढ़िला (घास)

रोगाह कोढ़िलाक भीतरी भागक ललौन दग्गी- रकसी

फूलक गाछक अतिरिक्त भागकेँ कटबाक छोट कैंची- गुलकैंची

लोहक बाल्टी जकर अग्रभागमे छिद्रयुक्त टोंटी पानि पटएबाक लेल- झाँझ

कपड़ा मोड़ि बनाओल फूल रखबाक धोकरी- फुलझोड़ा

माला गँथबाक लेल खढ़क पातर भागकेँ मोड़ि बनाओल औजार- सीकी

कोढ़िलाकेँ पानिसँ कटबाक लेल मालीक लोहक दाँतयुक्त औजार- कचिया हाँसू

फूल-मालाकेँ बैजन्त्री, केरा वा अंडीपातमे लपेटि पटेरसँ बान्हब- पतौड़ा

ताग- पटेरमे फूलसँ निर्मित माला- ठर्रा माला

ठर्रा मालाक मध्यवर्ती भागमे कएल मोट गँथाइ- कंठा

कंठा लग लटकैत फूल समूह- फुदना

पटेरमे दूर-दूरपर बान्हल फूलक माला- हथफनुआँ

हथफनुआँक दूटा फूलक बीचक दूरी- फानी

फूलक डंटीकेँ गँथलासँ – गिरौआ माला

चारि फूल गिरौआ आ एकटा फूल ठर्रा गँथलापर- पचफुल्ली माला

पचफुल्लीक पाँच फूलक समूह- छल्ला

घन कऽ गाँथल माला- गजरा

हाथमे पहिरबाक गजरा- कग्गन

सिउंथ परक गजरा- मङटीका

गरदनिमे पहिरबाक हेतु प्रयुक्त गजरा- हँसुली, कानमे पहिरबाक छोट सन माला- कननडोला

मुसलमान लोकनिक माला- कुर्सी

मुसलमान लोकनिक बिआहमे प्रयुक्त माला- सेहला

सेहलामे माथपर तीनटा, मूहक आगू चारि-पाँचटा लड़ आ दुनू हाथ ओ पीठकेँ संबद्ध करैत एकटा माला। आगू दिस लटकैत लड़- घुंघरु

कोढ़िला- कातिकसँ माघ धरि काटि धड़क मोट भागकेँ सुखा कऽ एकत्र- सुखलाक बाद उपरका भाग केश सदृश वस्तु रोआंकेँ साफ कएल जाइत अछि। धड़केँ अनेक खण्ड- टोनी/ गुल्ली गुल्लीकेँ परितः खण्डित कएलासँ बनल मलिछौन परत- खोइया/ आकठ

गद्दाबला पातर परत- बीड़

कतरलाक बाद गुल्लीक पातर अवशेष- हट्ठी/ हरैया

कोढ़िलाक कागचकेँ बेलनाकार मोड़ि अनेक खण्ड कएलासँ अत्यन्त कम चाकर टुकड़ीक समूहसँ बनल गोलाकार वस्तु- थोपा/ गेन

कोढ़िलाक कागचसँ बनल देवस्थानमे चढ़एबाक छतरीक आकृतिक वस्तु- मौड़

छोट मौड़- गेरुली

मौड़मे लगएबाक कोढ़िलाक कागचक दू आङुर चाकर ओ छओ आङुर नाम युगल खण्डकेँ परस्पर मध्यभागमे सम्बद्ध कएलापर बनल वस्तु- कचनारी

तमुरिया- ताम्बूल

पान पतैली बेल पबड़ा गहूम खाइके मोन होअए तँ जाउ झखड़ा

पतैली गामक पान

कोढ़िलाक पागमे

कोकटीक तौनी

सालमसाही पनही

पटमासी सिन्दूर

रिट्ठा-रिट्ठी पहिरा कऽ पोताकेँ देखथु

डराडोरि

डँड़कस

तमघैल

कोढ़िलाक पाग

अत्यन्त मोट सूतसँ निर्मित कपड़ा- ननगिलाट

तीसीक छालसँ निर्मित वस्त्र- तिसिऔटा

रेशमी वस्त्रक प्रभेद- अद्धी, तसर, बनात, बाफदा

वस्त्र बिनबा काल उचित संख्यामे तानी वा भरनी नहि देलासँ रिक्त स्थान- उचिला

आरा काटक अनुरूप वस्त्रक सिलाइ- सुरेबी

खड़ा काटक अनुरूप वस्त्रक सिलाइ- उरेबी

३९

चन्दनलेपक प्रभाव

एक ठाम लगाओल मुदा

शीतल कएलक सम्पूर्ण शरीर

४०

ऋषि माण्डव्य तपमे लीन

चोर आबि नुकाएल हुनक आश्रममे

राजाक सिपाही हुनको पकड़ि लऽ

मुदा सूलीपर चढ़ेबा काल भेद खुजल

मुदा सूलीक अणी रहि गेलन्हि हुनकर शरीर मध्य

बाँचि तँ गेलाह मुदा भेलाह अणीमाण्डव्य

अहाँक पापक भोग भोगि रहल छी हम

४१

छत्ता तानि चल मारिते रास लोक

बीस गोटेमे पन्द्रहक हाथमे छत्ता

मुदा सभकेँ कहब हम छत्ताबला

४२

विक्रमादित्यक पुत्रीक शिक्षक वररुचि

राजपुत्री कएलन्हि कोनो उदंडता से आनि देलन्हि मूर्ख पति

मौन धारण कएने ओ रहैत छल

राजपुत्री देलन्हि कोनो पोथी शोधन कार्य लेल दोहरएबाक लेल

बिन्दु, बिकारी आ मात्रा ओ नखछेदकसँ देलक मेटाए

अछि ई चरबाह

४३

तिल आ चाउरक मेल

दूध पानि सन नहि होइत अछि

होइत अछि ई स्पष्ट

एखनो डोमासीमे

जिबैत वर्तमानक संग भविष्यक ताकिमे

स्थिर ओहिठाम ठाढ़,

भाए तँ गाम अबिते अछि

ओढ़ना पहिरना नीक मुदा काज वएह

हमरे नहि फुराइए करू की?

भविष्य तँ वैह बुझाइत अछि।

जे वर्णाश्रम नहि रहितैक तँ

बँसकरम करितै के?

सेप्टिक टैंक तँ गामो घरमे आबि गेल

से ओहूमे पाइ भेटैत अछि

४४

जुनि घबड़ाउ

तराजूक एकटा पलड़ाकेँ उठाएब तँ

दोसर अपने खसि पड़त

४५

समर्पण

कए देलहुँ हम समर्पण

देखू ने

तृण मुँहमे देने ठाढ़ छी

कएलहुँ आत्मसमर्पण

४६

आगि छी

घीकेँ सुड्डाह करैत

जारनिकेँ अपन सभ खद्य बौस्तुकेँ जड़बैत

अपनो भऽ गेल जेना सुड्डाह

४७

लाठी आ लाठी लग पूआ

बच्चाक संग सूतल

बौआ उठल खाएब पूआ

लाठी लग राखल अछि पूआ

लाठीकेँ कुर्कुट कऽ रहल मूस

तखन तँ पूआ सेहो मूसे खएने होएत-उठल केने मोन हूस

४८

ओसारपर राखल दीप कए रहल प्रकाशित घर आ बाहर

घरक दीप मात्र कए रहल प्रकाशित घरकेँ

४९

भुस्साकेँ छोड़ि अन्नकेँ बहार करब

५०

दू टा पथिक- रथी

रातिमे गाममे ठहरि गेलाह

मुदा आगि लागल

एक गोटेक रथ जड़ि गेल आ दोसरक घोड़ा

दुनू पथिक एकटा बाँच घोड़ाकेँ रथमे जोड़ि

अपन यात्रा करैत रहलाह

५१

नाकक अग्रसँ कानक अधोभागकेँ सुरकबाक निरर्थक प्रयास!

५२

नृप हजामकेँ कहलन्हि राज्यक सभसँ सुन्दर बच्चाकेँ आनए लेल

आनलक ओ अपन पुत्र

५३

थाल लगा कऽ धोलासँ नीक

थाल लागैए नञि दियौ

५४

पथिक एकटा पंगु आ दोसर आन्हर

पंगु बैसि आन्हरक कान्ह कए रहल यात्रा

५५

पीसल आटाकेँ पीसब

मूर्खता

५६

मोट लाठी फेंकब भुकैत कुक्कुड़ दिस,

करत शान्त दोसराकेँ सेहो

५७

प्रधान शत्रुकेँ मेटाएब तँ छोट मोट ओहिना हँटि जाएत

५८

कएक द्रव्यसँ मिश्रित शरबतक स्वाद फराक

कोनो एक जेकाँ नहि

५९

आमक गाछ नहि दैत अछि फल मात्र

दैत अछि सुगन्धि दैत अछि छाह

६०

अनेक राजा द्वाराशासित

दुखित आपसमे विरोधी राजाज्ञासँ

६१

बीयासँ आँकुड़

आ फेर आँकुड़सँ बीया

कार्य-कारण प्रहेलिका

६२

बेंगक छरपान

बीचमे छोड़ैत बहुत रास स्थान

बहुत रास संभावना

बहुत रास छूटल काज

६३

बड़का माँछक खाएब छोट माँछकेँ

६४

रथ बनबएबला करथु बरखा ऋतुमे अग्निक स्थापन

रथकार- व्यवसायी वा कियो जे रथ बनबैत होअए!

से चलनिमे जे शब्द अछि से अछि बलगर।

६५

राजाक नगरीमे प्रवेश पंक्तिबद्ध भऽ

नहि तँ करत सिपाही पुष्ट पिटान

६६

नूनक खानिमे जे जाएत से बनत लवण

६७

लौह तिराएल जाएब चुम्मक दिस

६८

बगुलाकेँ पकड़बा लेल उपाए

ओकरा माथपर मक्खन धऽ दियौ

आ ओ जे पघलि कऽ खसत तँ

आन्हर भऽ जाएत बगुला आ पकड़ि लिअ ओकरा

से मक्खन रखिते काल किए ने पकड़ि लेब!

६९

बोनमे सिंह नहि रहत तँ लोक बोन खतम कऽ देत

आ बोन नहि रहत तँ सिंहकेँ खतम कऽ देत

७०

जतए धुँआ अछि ओतए आगि रहबे करत

७१

विषकृमि विषमे जीबैए

नञि तँ सामान्य तँ विषमे मरि जाइए

७२

अपन लगाओल विषवृक्ष हुअए तँ तकरो नहि काटू

नहि उखाड़ू

७३

एक दोसराकेँ ठेलैत तरंग सभ

पहुँचिए जाइत अछि तट

७४

वृद्धकुमारि इन्द्रसँ माँगलक वर

हमर पुत्र स्वर्ण बासनमे दूध-घी-भात खाथि

माँगि लेलक वर, पुत्र, गाए, आ सुवर्ण एक्के बेर

७५

साँप आ बिज्जेक दुश्मनी

देखिते देरी खौँझाएब एक दोसरापर

७६

कमल दलक सए पातकेँ सुइयासँ छिद्रित करब

एक्के बेरमे मुदा छिद्रित होइत होएत एका-एकी

७७

आगिपर प्राणोत्सर्ग करैत फतिंगा

मूर्ख सेहो

देशभक्त सेहो

७८

आकाशमे बड्ड दूर अछि चन्द्रमा

मुदा कहै छी देखू ओहि गाछक ऊपर अछि चन्द्रमा

७९

माथक पाछाँ हाथ आनि नाक छूब

सोझ ढंगसँ काज नहि करब

८०

कुकुड़क पुच्छी सोझ केनाइ

८१

मुइलकेँ सुगन्धित उबटन लगाएब

८२

सिंह जेकाँ बीच-बीचमे पाछू देखि लेब

कोनो शिकार तँ ओम्हरो नञि अछि

८३

बालुसँ तेल निकालब

८४

सुन्द-उपसुन्द असुरकेँ नष्ट करबा लेल ब्रह्माक निर्देशपर

विश्वकर्मा बनेलन्हि तिलोत्तमा पठेलन्हि कैलासोद्यान

दुनू ओकरा प्राप्तिमे लड़ि कऽ मरि गेलाह
८५

लोहार लग सुइया आ कड़ाही बनबाबए लेल दू गोटे गेलाह

ओ पहिने सुइया बनेलन्हि फेर कड़ाही

८६

डोरी बान्हल पक्षी सन पराधीन

८७

सीढ़ीपर एकाएकी चढ़ैत छतपर पहुँचब

तहिना ज्ञान सेहो क्रमशः

८८

भात रन्हबामे सभ भातकेँ नहि एकाध टा भातकेँ देखै छी जे सिद्ध भेल

८९

दुर्योधन द्वारा भीमकेँ देल स्थावर, गाछ आ खनिजक विष

धारक साँपक जंगम विषसँ भेल कटित

९०

खुट्टा ठोकै काल हिला कऽ ठोकल जाइत अछि

तहिना अनेक दृष्टान्त पक्षमे देब उचित

९१

स्वामी आ सेवक

पोषक आ पोषित

९२

पसेनासँ भीजल कीड़ायुक्त वस्त्रकेँ फेंकब

९३

उड़ीसक डरे सुजनी नहि फेकब

९४

झील नहि रहत तँ मगरमच्छ नहि रहत

मगरमच्छ नहि रहत तँ झील सभ धकिया लेत

९५

शुनःशेप आदि

गरजैत मेघ रौद्र

मेघमे विद्युत

वृत्रहन्ता इन्द्र चीरैत छथि मेघ

कवष ऐलूषक ऋक्

शूद्र कवि हमर

विद्युत् प्रकाशसँ प्रकाशित मेघक शक्तिपात्

शरीरक मध्य हजारक-हजार धार

रक्तक प्रवाहक साँपसन टेढ़-मेढ़ चालि

हमर मोन दौगि रहल

एहि अन्तर्मनक धारक बीच

ओहि बहिर्जगतक विद्युतसँ तीव्र

चतुष्पात् पुरुष वा ब्रह्म

मुदा एकपाद ई जगत्

अन्तर्मनक प्रचोदयिता

आसुरी वृत्र

आ राक्षसी पणि

शारीरिक धार

संचार तन्त्र

चलू समुद्र दिस

हमर नाड़ीतंत्र आ एकर

लहरिमे डूमैत-उगैत

अपन भोगल यथार्थसँ

बहार कएलहुँ मधु

आहुति देबा लेल ओहि समुद्रमे

आ तखने शरीरक नदी-धार

लहरिमे डुमैत करैत अछि आनन्दित

जागरित मोनसँ निकसैत वाणी

पीपड़क पातक नाड़ीतंत्र सन

इला-सरस्वती आ भारती छथि

विद्युत् बाल लेल भोजनक इन्तजाम करैत

ज्योतिक हम साधक

सन्दीपनकूट हुअए लावण्यमय

सहस्रशाख विद्युत्

हिरण्यमयी

सहस्रजित्

अजस्र

अन्तर्मुखी

आ

ऋतं बृहत्

२८

नाराशंसी

आ बीतल कैक दिन

छठिहारी छठम दिन

कविक कविताक छन्दक रससँ उगडुम करैत

आ डराएल विश्वदेव जे

पद्यक रस जे झझाएत तँ

पसरि जाएत सगर विश्वमे

गायत्री नाराशंसीक संग

से ओ

कविक कविताकेँ छन्दक रसमे राखि दैत छथि

बलि दऽ दैत छथि

कविक कविताक छन्दक रसक

आ गबैत छथि नाराशंसी।

आकाश मध्य लिखल हमर लेख

कागजपर लिखल क्यो पढ़त

क्यो नहि

मुदा ओतए जे उठाओत आँखि देखत

अंगैठी-मोड़ करैत उठैत भुजाक स्पर्शसँ

करत अनुभव

जे विश्वक समाप्ति होएत

किछु लोक बचत

तखन करब कोन काज

कार्यालयक तँ कोनो काज बचत नहि

ने कंप्युटर ने अन्तर्जाल

सुन्न चारू कात

ने लूरि खेती करबाक हमरा

कागत रंगबाक लेल रोशनाइ नहि

वादक सम्बल अर्थहीन

विकराल राति सोझाँ ठाढ़

आकाश मध्य लिखल हमर लेख

कागजपर लिखल क्यो पढ़त

क्यो नहि

मुदा ओतए जे उठाओत आँखि

देखत अंगैठी-मोड़ करैत

उठैत भुजाक स्पर्शसँ करत अनुभव

जे विश्वक समाप्ति होएत

किछु लोक बचत

तखन करब कोन काज

कार्यालयक तँ कोनो काज बाँचत नहि

ने कंप्युटर ने अन्तर्जाल

सुन्न चारू कात

ने लूरि खेती करबाक हमरा

कागत रंगबाक लेल रोशनाइ नहि

वादक सम्बल अर्थहीन

विकराल राति सोझाँ ठाढ़

गरजैत मेघ रौद्र

मेघमे विद्युत

वृत्रहन्ता इन्द्र चीरैत छथि मेघ

कवष ऐलूषक ऋक्

शूद्र कवि हमर

विद्युत् प्रकाशसँ प्रकाशित मेघक शक्तिपात्

शरीरक मध्य हजारक-हजार धार

रक्तक प्रवाहक साँपसन टेढ़-मेढ़ चालि

हमर मोन दौगि रहल

एहि अन्तर्मनक धारक बीच

ओहि बहिर्जगतक विद्युतसँ तीव्र

चतुष्पात् पुरुष वा ब्रह्म

मुदा एकपाद ई जगत्

अन्तर्मनक प्रचोदयिता

आसुरी वृत्र आ राक्षसी पणि

शारीरिक धार संचार तन्त्र

चलू समुद्र दिस हमर नाड़ीतंत्र आ एकर

लहरिमे डूमैत-उगैत

अपन भोगल यथार्थसँ बहार कएलहुँ मधु

आहुति देबा लेल ओहि समुद्रमे

आ तखने शरीरक नदी-धार

लहरिमे डुमैत करैत अछि आनन्दित

जागरित मोनसँ निकसैत वाणी

पीपड़क पातक नाड़ीतंत्र सन

इला-सरस्वती आ भारती छथि

विद्युत् बाल लेल भोजनक इन्तजाम करैत

ज्योतिक हम साधक

सन्दीपनकूट हुअए लावण्यमय

सहस्रशाख विद्युत् हिरण्यमयी

सहस्रजित् अजस्र अन्तर्मुखी

आ

ऋतं बृहत्

एहि बँसकरमक विश्वकर्मा

भीखूक फारब आ

ओदारि कऽ निकालब

उजरा औषधि वंशलोचन

कोनिञा सूप हकरा पथिया

मुदा खजुरिया बान्हमे बान्हल

हमर आ ओकर वर्तमान आ भविष्य

२

वरेण्यम् छन्द पूर्त्यर्थ

वरेणियम्

स्वः सुवः

सूवेऽग्ने सूनवे अग्ने

त्रयम्बकं यजामहे- त्रियम्बकम्

वैदिक स्वच्छन्द, मुक्त आ अपवाद प्रवृत्ति बेशी

लौकिक बेशी सुव्यवस्थित आ नियमित

विष्णु वृहत् शरीरी युवा कुमारक तीन पगमे विश्व नापब

विष्णु आख्यान

विष्णु यज्ञक चारू दिस

पूब अग्नि

दक्षिण गायत्री

पच्छिम त्रिष्टुप्

उत्तर जगती

तीन आंगुर नीचाँ औषधिक जड़िमे

....

सहस्रात् यूपात्

हजारक हजार प्राप्त-अप्राप्त बंधनसँ मुक्ति

...

इक्षवाकु वंशक वेधस राजाक पुत्र हरिश्चन्द्रक सए पत्नी

घरमे पर्वत आ नारद दूटा ऋषि रहैत छलन्हि

नारदक निर्देशपर वरुणसँ कहलन्हि- सन्तान दिअ,

जाहिसँ हम अहाँक यज्ञ कऽ सकी

रोहित नाम्ना पुत्र

वरुणसँ पशुक १० दिन फेर दाँत हेबा धरि,

फेर दुद्धा दाँत खसबा धरि

फेर नव दाँत हेबा धरि

फेर ओकर शस्त्रधारी होएबा धरि।

तखन रोहितकेँ कहलन्हि।

मुदा ओ तीर-धनुष लऽ बोन दिश चलि गेलाह,

मना कऽ देलन्हि।

आ तकर एक बरख बाद वरुण हरिश्चन्द्रकेँ पकड़ि लेलन्हि

आ फूलि गेलन्हि पेट हरिश्चन्द्रक

घुरल इन्द्र पुरुषक रूपमे कहल

जे मनुष्यक बीचमे रहैए नीक सेहो अधलाह भऽ जाइए

विचर एक साल

विचरलासँ पएर फूलयुक्त

आत्मासँ फल होइए आ ओ ओकरा काटैए

एक साल

ठाढ़क भाग्य ठाढ़

बैसलक बैसल

आ सूतलक सूतल

से विचर एक साल

कलि सूतल-पड़ल

द्वापर उड़ैत

आ त्रेता ठाढ़

से तोँ सत्य जेकाँ विचर एक साल

सूर्य विचरैत नहि थाकैए

तोरा मधु आ उदुम्बरक मिठगर फल भेटतौ

विचर एक साल

सुयवश ऋषिक पुत्र अजीगर्तक परिवार

भूखल पत्नी

तीन पुत्र शुनःपुच्छ, शुनःशेप, शुनोलांगूल

बापक प्रिय शुनः पुच्छ आ माएक प्रिय शुनोलांगूल

से सए गाए दऽ

शुनःशेपकेँ कीनल

राजसूय यज्ञ

होता विश्वामित्र

अध्वर्यु जमदग्नि

उद्गाता अयास्य

आ ब्रह्मा वशिष्ठ

से बलि बान्हत के

एक सए गाए आर माँगलक अजीगर्त

अग्निक आवाहन आ परिक्रमा

आब वध के करत

एक सए गाए आर दिअ

पिजबैत तरुआरि

शुनःशेप

प्रजापतिक आवाहन

जो अग्नि लग

अग्निक आवाहन

जो सविता लग

जो वरुण लग

जो फेर अग्नि लग

जो जो विश्वदेव लग

विश्वदेवक आवाहन

जो इन्द्र लग

इन्द्रदेवक आवाहन

जो आश्विनौ लग

अश्विनक आवाहन

जो उषा लग

उषाक आवाहन

मंत्र पढ़ैत-पढ़ैत बन्धन खुजैत गेल

इक्ष्वाकुक पेट ठीक भऽ गेल

फेर ओ ऋत्विज् भऽ यज्ञमे सम्मिलित भेल

विशेष विधि

“अंज सव” विधिसँ निकाललक सोमरस

आ राखलक ओकरा द्रोणकलशमे

फेर स्वाहा

फेर अन्तिम कृत्य

फेर ओ विश्वामित्रक कोरामे बैसि गेल

अजीगीर्त दिअ हमर पुत्र

विश्वामित्र नहि ई अछि आब देवरात विश्वामित्र

अजीगीर्त पुत्रक आह्वान

आउ

शुनःशेप- तीन सए गाए हमरासँ पैघ?

विश्वामित्र हे पुत्र मधुच्छन्दा

ऋषभ,

रेणु

अष्टक

शुनःशेप भेल अहाँ ज्येष्ठ

मधुच्छन्दाक पचासटा पैघ भाएकेँ ई नहि पड़लन्हि पसिन्न

विश्वामित्र ओकरा सभकेँ देलन्हि त्यागि

पुरुषक दान

विक्रय

त्याग

१

दासीपुत्रकेँ सोमसँ कएलन्हि वञ्चित तँ गेलाह ओ बोनमे

आ अपोनपप् सूक्तक द्रष्टा बनि घुरलाहत्र

अपोनप्त्र देवताबला सूक्त कवि ऐलूषक

२

शुनःशेप आजीगर्तिक ऋचाक द्रष्टा सुवचक छथि पुत्र

आजीगीर्त भेल दुर्भिक्ष

जमदग्नि अछि आँखि

अङ्गिरा प्राण

कण्व मेधावी

भारद्वाज मोन छथि भरण-पोषण करएबला

विश्वामित्र छथि सर्वमित्र छथि कान

३

नामानेदिष्ठ- गुरुकुलमे पढ़ए लेल गेलाह

तँ भाए सभ सभटा सम्पति लेलन्हि बाँटि

फेर भेलाह मन्त्रक द्रष्टा

प्रवचन

आ दक्षिणा

अतीन्द्रियार्थद्रष्टा मंत्रक स्वरूपक अर्थक द्रष्टा ऋषि

४

च्यवन सुकन्या

च्यवनकेँ छोड़ि अङ्गिरावंशी स्वर्ग गेलाह

मनुवंशी शर्यातक कुमार लोकनि

दधीचपुत्रपर फेकल ढेपा

च्यवन क्रोधित भेलाह

भाइ-भाइमे युद्ध भेल प्रारम्भ

रथ जोतलन्हि सुकन्याकेँ बैसेलन्हि आ चललाह शर्यात विवाह कराओल च्यवनक संग

आश्विनौ

प्रेमक स्वीकृति लेल सुकन्याक आह्वान

पिता हमरा जकरा संगे ब्याहलनि

सुकन्या की कहलक ओ च्यवन

कहबै तूँ अपूर्ण! पूछत कोना

तँ कहबै पहिने पतिकेँ युवा कर

पोखरिसँ बाहर आबि युवा

कुरुक्षेत्रक देवयज्ञमे तोँ बाहर तेँ अपूर्ण

आश्विन यज्ञमे गेलाह आ

ओतए हुनकर यज्ञमे प्रवेश भेल

आश्विन

सूर्याक रथमे बैसब

वंदन ऋषिकेँ इनारसँ निकालब

रेभ ऋषि ९ दिन १० राति इनारमे

निकालिब

आ तुग्रपुत्र भुज्युकेँ समुद्रपार कराएब

५

इन्द्र दधीची

दधीची द्वारा आश्विनौकेँ मधुविद्याक उपदेश

इन्द्रकेँ नहि

अश्वशिरसँ अश्विनौकेँ उपदेश

ओकर काटब

अश्वशिरसँ इन्द्र द्वारा प्राप्त गुह्य प्रवर्ग्य विद्याक उपदेश

अथर्वा पुत्र दध्यङ तेजस्वी

असुर धराशायी- स्वर्ग

इन्द्र कमजोर

मुदा हुनकर अवशिष्ट

कुरुक्षेत्र लग पोखरिसँ शर्यणवत्, अश्वशिर

८१० असुरक एहि अश्वशिरसँ मारलक

६

पुरुरवा उर्वशी

उर्वशी- आगू चलएवाली उषा जेकाँ हम छोड़लहुँ अहाँकेँ

अहाँक पुत्रकेँ हम अहाँ लग पठा देब

इलापुत्र पुरुरवा

अंतरिक्षकेँ पूर्ण करएवाली आ जल बनबैवाली उर्वशी

गन्धर्वक पत्नी अप्सरा

अप्सरा- मेघ विद्युत् आ तरेगण

पुरुरवा सूर्य

अप्सरा विद्युत्

पुरुरवा पत्नी अप्सरा

घुरि गेलि देव लग

माँगलन्हि पुरुरवा देवसँ अपन पत्नी

देलन्हि “आयु” पुत्र पुरुरवाकेँ
वृक्षशाखासँ अरणि निर्माण

मथल- भेलीह अग्नि उत्पन्न

७

सरमा-पणि

पणि, वृत्र बल द्वारा गाए चोरा कऽ गोपनीय स्थानपर बन्न

सरमा इन्द्र द्वारा पठाओल गेलापर स्थानक खोज

पणिसँ सम्वाद

इन्द्रक आक्रमण

सरमाकेँ दुग्धक दान

वृत्र, बलसँ गाएक बृहस्पति द्वारा मुक्ति

सरमा- गर्जन- विद्युत् आश्रय

८

अगस्त्य-लोपामुद्रा

अगस्त्यक पत्नी लोपामुद्रा

प्रेमप्रलाप शिष्य द्वारा

सुनब आ पश्चाताप करब

अगस्त्य, लोपामुद्रा द्वारा ओकर आलिंगन

आ चुम्बन आ निष्पाप घोषित करब

९

यम-यमी

यमी यमकेँ रम्य द्वीपपर लऽ जा कऽ

कामक याचना करैत अछि

नपुंसक पति

यमक वचन

बलवान पुरुषसँ पुत्रोत्पत्तिक आह्वान

पिता विवस्वान्- आदित्य

माता सरण्यु- उषा ज्योति

१०

इन्द्र अहल्या

देवासुर संग्राममे गौतम थाकि गेलाह

तँ इन्द्र कहलन्हि हम अहाँक रूपमे विचरण करब

गौतम स्वीकृति देल

अहल्या मैत्रेयीसँ जार

११

मनु मत्स्य

मनुक हाथमे माँछ

हमरा पोसू हम रक्षा करब

माछक कहब

अनुकूल नाह बनेलक

बिहारि

नाहमे बैसि गेल

जलमे अर्पणसँ आशी

ओकरासँ प्रजा

इडा यज्ञ

१२

चन्द्र सूर्य राहु केतु

स्वर्भानु रोकि लैत अछि

सूर्य प्रकाशकेँ

उल्कामुख

2010-08-17T23:41:00.000+05:30

(धधरा फेकैत एकटा गीदर मंचपर चारू कात घूमि जाइत अछि। पाछू सँ हूआ-हूआक ध्वनिक संग अन्हार पसरि जाइत अछि।)

जलोदीप

2010-08-17T23:34:00.002+05:30

चौबटिया सड़क नाटक

१

सूत्रधार: आऊ, आऊ। एहि चौबटिया नाटक, सड़क नाटक देखबाले आऊ।

(सूत्रधार लोक सभ दिस तकै छथि| हमर कलाकार सभ गप-शप करैत हल्ला जेकाँ करैत छथि।)

भीड़सँ आएल पुरुष कलाकार: (कलाकार सभक गोलसँ बहार भऽ निकलैत)- की हौ। की सभ बाजि रहल छह हौ। की छिऐ ?

सूत्रधार: सभ जुनि कऽ घेरा बना लिअ। मैथिली चौबटिया नाटकले घेरा बना कऽ ठाढ़ भऽ जाऊ। चोटगर नाटक हएत।

भीड़सँ निकलि कऽ आएल दोसर महिला कलाकार: चल रे चल। एकरा सभक मैथिली नाटक हेबऽ दही। नाटक देखलासँ भोजन चलतौ रौ।

सूत्रधार: नै यै दाइ। भुखलेबला लेल ई नाटक छै। पेटक भूख, मोनक भूख आ बोलीक भूख।

महिला कलाकार: से छै। तखन आबै जाइ जो।

सूत्रधार: आबै जाउ, आबै जाउ। आइ हएत बच्चा, किशोर, युवा, प्रौढ़ आ बूढ़क लेल नाटक। स्त्री-पुरुषक लेल नाटक। चिड़ै-चुनमुनी लेल नाटक, गाछ-बृच्छ लेल नाटक, हबा-बसात लेल नाटक। सूर्य-चन्द्र-तरेगण लेल नाटक। मूर्त-अमूर्त लेल नाटक। देश लेल नाटक। निन्न आ सपना लेल नाटक।

(महिला सूत्रधार बिच्चहिमे आबि जाइ छथि। भीड़सँ आएल वएह महिला कलाकार महिला सूत्रधार बनि सकै छथि।)

महिला सूत्रधार: हे। सोझे कहू ने जे ककरा लेल ई नाटक नै छै। एना पैघ-पैघ गप किए दऽ रहल छी।

सूत्रधार: कोनो नाम छुटि गेलै की ?

महिला सूत्रधार: यएह लिअ। सेहो हमहीं कहू। आब ताम-झाम शुरू करू आ देखाऊ जे की विस्तार लेने अछि ई नाटक।

सूत्रधार: बेस तँ शुरू करू।

२

(कलाकार सभ एक दोसरामे मिज्झड़ भऽ एक-एकटा फराक पाँती बनबैत छथि। छोट, किशोर, युवा आ बूढ़क पाँती। स्त्री-पुरुषक पाँती। चिड़ै-चुनमुनी जेकाँ छोट बौआ आ छोट बुच्ची बजैत अछि। किशोर सभ हाथमे गाछ-बृच्छक आ हबा-बसातक फोटो लऽ लैत अछि। दुनू युवा स्त्री-पुरुष सूर्य-चन्द्र-तरेगणक फोटो लेने अछि तँ बूढ़ आ बुढ़ी भूत-प्रेत, भगवान आ स्वप्नक फोटो हाथमे लऽ लैत छथि।)

१ छोट बौआ: हम ओम। हम चिड़ै।

२ छोट बुच्ची: हम आस्था। हम चुनमुनी। हा हा (हँसैत)।

३ किशोर बौआ: हम जयन्त। हम गाछ।

४ किशोर बुच्ची: हम अपाला। हम बृच्छ। हेँ हेँ (हँसैत)।

५ युवा: हम विजय। हम सूर्य तरेगण।

६ युवती: हम विजया। हम चन्द्र माने चन्दा। खी-खी (हँसैत)।

७ वृद्ध: (थड़थड़ाइत) हम नेकलाल। हम भूत-प्रेत-राकश...।

८ वृद्धा: हम रामवती। हम स्वप्न माने कल्पना। हम...हम...हम...।

(कल्पनाक भाव-भंगिमा तीन बेर करैत छथि।)

सूत्रधार: अहाँ सभक काज की ?

महिला सूत्रधार: अहाँ सभक काज की ?

(आब छोट बौआकेँ –ओमकेँ- १ छोट बुच्ची- आस्थाकेँ- २ एना ८ धरि कहब।)

१ सँ ८ (संगे-संग): हम सभ कोनो काजकेँ ढंगसँ कऽ देब, कहि कऽ तँ देखू।

सूत्रधार: आइ एकटा संस्कृत साहित्यक प्रसिद्ध कथापर आधारित नाटक देखा रहल छी। चोटगर कथा अछि। बच्चा आ पैघ सभक लेल। देखू ई भिखमंगा कतऽ सँ आबि रहल अछि।

दृश्य १

(गाममे घुमैत)

भिखमंगा: गरीबकेँ किछु दिअ। पुरान कपड़ा, रुपैआ, पैसा। किछुओ दिअ।

बूढ़ी: लिअ ई कपड़ा। पुरान छै मुदा जाड़मे बड्ड गरम रहै छै। ई अन्न सेहो।

नबका कमौआ: लिअ ई पैसा। किछु कीनि लेब।

(भिखमंगा सूत्रधारक बगलसँ होइत कपड़ाक धोधरिमे अन्न रखैत अछि। पाइ गनैत अछि। फेर दोसर दिस अपन घरक खाटपर बैसैत अछि। एकटा चुकड़ीमे पाइ रखैत अछि, फेर गनैत अछि।)

भिखमंगा: (मोने-मोन) आब तँ ढेर रास पाइ भऽ गेल। मोन अछि जे कमलाक भगता बनि जनकपुर जाइ। भगवान से दिन देखेलन्हि।

दृश्य २

भिखमंगा: (बोगलीमे पाइक चुकड़ी लेने आगाँ जाइत- भोरुका समए)

चलू चलू यौ

जनकपुरमे कमलाक भगता

करू करू यै

कमला माइ करू हमर उद्धार

चलू चलू यौ जनकपुर

भगता बनि कमलाक

(सोझाँ बालुसँभरल कमलाक तट। भिखमंगा सोचैत अछि।)

-अहा। की विस्तार अछि कमलाक। मुदा एतेक भोरमे कियो एतए नहि अछि। चलू पाइक चुकड़ी कातमे राखि डूम दऽ आबी।

(पाइक चुकड़ी नीचाँ रखैत अछि आ नहाइ लेल बिदा होइत अछि।)

(मोने-मोन सोचैत)- मुदा कियो जे देखि जाएत आ ई पाइ लऽ लेत तखन? एकरा बालुमे नुका दैत छिऐक।

(बालु कोड़ि कऽ चुकड़ी नुकबैत अछि।)

(फेर मोने-मोन सोचैत) मुदा जे कियो ई देखि जाएत तखन? मुदा देखत कोना आब। तेना कऽ नुका देने छिऐक जे आब हमरो नै भेटत।

(फेर सोचैत घुरि अबैत अछि।)

मुदा हम जे नहा कऽ आएब तँ कतऽ ई पाइ गाड़ल अछि से हमरो कोना बूझऽ मे आएत। ठीक छै।

(कोड़लाहा स्थानपर अबैत अछि।)

एतऽ शिवलिंग बना दै छिऐ। ( कोड़लाहा स्थलपर पएर रखैत अछि आ पएरक चारू कात बालु राखए लगैत अछि। चारू कातसँ बालु भरि गेलाक बाद आस्तेसँ पएर हटा लैत अछि आ नीक-नहाँति शिवलिंग बना दैत अछि। फेर निश्चिन्त मोनसँ कमला-स्नानक लेल बिदा भऽ जाइत अछि। एम्हर ओ धार दिस बिदा होइत छथि आ ओम्हर दूरसँ किछु आर स्नानार्थी, पुरुष हाथमे धोती आ महिला हाथमे नुआ लेने, अबैत दृष्टिगोचर होइत छथि।)

(मोने-मोन सोचैत) नीके भेल जे फुरा गेल। कएक सालक कमाइक छी ई पैसा। ई लोक सभ आब स्नान करबा लेल आबि रहल अछि। ने जानि ककर मोनमे खोट हेतै आ ककर मोनमे नै।

(नहाइ लेल मंचसँ नीचाँ धारमे फाँगि जाइत अछि।)

पुरुष स्नानार्थी - (अपन कपड़ा लत्ता राखै अए) चली कमलामे डूम दऽ आबी।

स्त्री स्नानार्थी- (भिखमंगा द्वारा बनाओल शिवलिंग दिस इशारा करैत) हे देखियौ ओ शिवलिंग। लागैए एतऽ स्नान करबाक पहिने शिवलिंग बनेबाक विधान छै।

पुरुष स्नानार्थी- अपना सभ दिस, गंगा कातमे तँ एहेन कोनो परम्परा नै छै।

स्त्री स्नानार्थी- एत्तऽ मुदा छै। आ भोलाबाबाक स्थापना कऽ डूम लै मे हर्जे की।

पुरुष स्नानार्थी- हँ से तँ ठीके।

( दुनू गोटे एक-एकटा शिवलिंगक स्थापनामे लागि जाइत छथि। पएरक चारूकात बालु चढ़बऽ लगै छथि। तावत् आनो लोक सभ आबि कऽ किछु पूछऽ लगै छथि आ अच्छा-अच्छा कहि ओहो सभ एक-एकटा शिव लिंगक स्थापनामे अपन-अपन पएरक चारू कात बालु चढ़बए लगै छथि। कनिये कालमे मंचपर शिवलिंगे-शिवलिंगे भरि जाइत अछि। मंचपर हर-हर महादेवक स्वरसँ अनघोल भऽ जाइए। )

भिखमंगा: (नहा कऽ निकलैत) देखू, जखन आएल रही तँ एकोटा लोक नहि छल आ आब देखू कतेक भीड़ भऽ गेल। हमरा की। जोगी छी, बहैत पानि सन। ई अंगवस्त्र रस्तेमे सुखा जाएत। जए माँ कमलेश्वरी। कमलाक भगता बनि चली आब जनकपुर। मुदा ओ चुकड़ी तँ लऽ ली।

(अपन बनाओल शिवलिंग ताकऽ लगैत अछि। मुदा चारू कात शिवलिंगे-शिवलिंग। एक दूटा शिवलिंगकेँ भखराबैत अछि मुदा ओहि नीचाँसँ किछु नहि बहराइत अछि।)

(भिखमंगा माथपर हाथ राखि मंचपर बैसि जाइत अछि आ आस्ते-आस्ते मंचपरसँ प्रकाश विलीन भऽ जाइत अछि।)

(पटाक्षेप)

जलोदीप

चारू कात जलामय। एकटा बच्चा कोहुना कऽ बाढ़िसँ बाहर निकलैत अछि। लोक सभ ओकरा दिस दौगल अबैत अछि।

बच्चा: न। हम तँ ठीके छी। मुदा हम्मर...

(अन्हार पसरि जाइत अछि।)

दृश्य १

(छहर दिससँ लोक सभ आबि रहल अछि। अनघोल भेल अछि।)

पहिल लोक: हे बाइस फीट पानि आबि रहल अछि। घण्टा भरिमे सभटा डूमि जाएत। चौकीपर चौकी गेटह। बड़का बच्चाक छतपर बच्चा सभकेँ दऽ आबह।

दोसर लोक: बाइस फीट तँ नै मुदा हिलकोरक अबाज अबैत सुनने आ देखने रहिऐ। झझा देलकै, छहरक ऊपरसँ पानि खसलै। झंझारपुर दिसुका बान्हपर जोर रहै। मुदा मारवाड़ी सभ झंझारपुर दिसुका पुबरिया बान्ह बचेबाक लेल सुनै छिऐ जे अप्पन सभक दिसुका पछबरिया बान्ह तोड़बा देलकै।

पहिल लोक: सुनै छिऐ से सत्य नहियो भऽ सकै छै। आ एतेक टा बान्ह कोना तोड़ल हेतै।

तेसर लोक: से की कहै छी। गोपलखाक सोझाँमे दू छह मात्र मारबाक देरी रहै।पानिक जोर तँ अहू दिस रहै। भने ओतहि टुटलै। अपना गामक सोझाँ जे टुटितै तँ गामे भँसि जइतै।

दोसर लोक: आब से बहस करबाक समए नै अछि। अपन-अपन होस धरै जाऊ। पहिने बच्चा सभकेँ बचाऊ।

अक्षरमुष्टिका

2010-08-17T23:33:00.000+05:30

अक्षरमुष्टिका

(आंगुरक संकेतसँ अक्षर-भावक निर्देश)

बा- आब सुति जाऊ। भोरे स्कूल जएबाक अचि।

बुच्ची-बा पहिने एकटा खिस्सा सुनाऊ।

बा- कोन खिस्सा ? राजा बला परीबला आकि..

बुच्ची- परीबला।

१

विज्ञान कथा, पर्यावरण कथा, पोसुआ पालक कथा

नाटक- भिक्षुक कमला स्नान, पहिने शिवलिंगक निर्माण, फेर गंगा-स्नान

काछु आ खरहाक नव खिस्सा

अब्दुलक टोपी बेचैबला नव खिस्सा

जलोदीप- सरकारे सभटा काज किएक करत

स्निफर डॉग आख्यान- फाड़ि कऽ मौस निकालब

-केक काटिते देरी हम बढ़ि गेलहुँ

-आबै जाए सभ काल ताली/ रैना भाइ- विद्युत- तूँ एखन एतेक पैघ नहि भेल छेँ

एक दिन रातिमे बुच्ची आस्था कएक रंगक प्रकाशबला घोड़ापर बैसि कऽ उड़ल। पहिने ओ पहिल रंगपर चढ़ि कऽ सवारी करए चाहलक मुदा चाबुकक संगे नीचाँ खसए लागल। तखन ओ छड़पि कऽ दोसर आ तेसर रंग फेर चारिम रंगपर पहुँचल। चरिम रंग हरिय छल। एतए ओकर संतुलन नीक बनि गेलै। ओअतएसँ ओ देखलक जे..

जहिया कहियो रमणजी स्कूल जाइत छल ओकर स्वागत ओकर कक्षाक विद्यार्थी सभ सकदम भऽ करैत रहए। ओकर कषामे प्रवेशसँ वर्ग शान्त भऽ जाइत छल। से ओ रहबो करए मोट-डाँट आ देखैमे पैघ। छठा वर्गक विद्यार्थी सभक बीच बेछप। लगैत रहैत छल जेना अठमाक विद्यार्थी हुअए। से वर्ग शिक्षक ओकरा कक्षाक विद्यार्थी-संचालक बना देलखिन्ह। ओकर काज छलै अपन वर्गक विद्यार्थी सभपर शासन चलेनाइ। पढ़बा-लिखबामे धरि छल महाभुसकोल। रहबाक तँ चाही छलै ओकरा सतमेमे मुदा अनुत्तीर्ण भऽ गेलाक कारणसँ छ अम वर्गमे छल। मुदा दौगा-धूपीमे खूब तेज। फुटबॉल सेहो बड्ड नीक खेलाइत छल।

मास्टर साहेब ओकरा मिडिल स्कूलक फुटबॉल टीम बनेबाक निर्देश देलखिन्ह। ओ जी-जानसँ एहिमे लागि गेल। मुदा सभ विद्यार्थी क्रिकेट-क्रिकेटक रटना रटि रहल छल। रमणकेँ मुदा क्रिकेट बुझबामे एबे नहि करै।

जीबू, नरेश आ सुमन। तीनू गोटे ओकर पुरनका कक्षाक छात्र, माने आब ओ सभ सतमा वर्गमे चलि गेल अछि। मुदा तीनू गोटे आब क्रिकेटर भऽ गेल छथि। पुरना मास्टर साहेब। सतमा कक्षाक वर्ग-शिक्षक। हिसाब पढ़बै छथि। पथलखरीसँ एक्के निसाँसमे हिसाब बना दैत छथि। बड्ड दिनसँ एहि कोठिया मिडिल स्कूलमे छथि। असली नाम तँ नै कहब मुदा पुरना मास्टर साहेबक नामसँ प्रसिद्ध छथि। एम्हर एकटा नबका मास्टर सैहेब सेहो आएल छथि। ओना दू-तीन बर्ख भऽ गेल छन्हि आ हुनके संगे दोसर मास्टर सैहेब सेहो आएल छथि, जिनका लोक पहिने नबके मास्टर सैहेब कहैत रहए मुदा एक बरिखक बाद आब हुनका बतहा मास्टर सैहेब कहै छन्हि। कारण छथि तँ तेजगर मुदा संगे सुराह सेहो छथि, तेँ।

से छ अम वर्गक वर्ग-शिक्षक नबका मास्टर सैहेब रमणजीकेँ स्कूलक फुटबॉल टीम बनेबाक भार देलन्हि मुदा जीबू, नरेश आ सुमन तीनू गोटे रमणकेँ भराम स्कूलक मैदानपर क्रिकेट देखबाले लऽ गेलखिन्ह। क्रिकेट कतेक नीक होइ छै से जे रमण देखताह तँ बतहा मास्टर सैहेबसँ मिलि कऽ स्कूलक क्रिकेट टीम बनेबाले गप करताह। सुनै छिऐ बतहा मास्टर सैहेब कपिलदेव जेकाँ तेजीसँ गेन्द फेकैत छलाह आ राज्यक टीममे नहि चुनल गेलाह, तेँ सुराह आकि बताह भऽ गेलाह।

से रमण अपन पुरना कक्षाक मित्र लोकनिक संगे भराम स्कूलक मैदानपर पहुँचलाह। रमणकेँ क्रिकेटक निअम बुझल नहि छलन्हि से जीबूकेँ भार देल गेलन्हि जे मैदानपर होएबला सभटा गतिविधिक व्याख्या रमणकेँ सुनाबथु, जाहिसँ ओ एहि विधाक प्रति आकर्षित होथि।

1.दीना-भदरी

नेपालक मिथिलांचलमे अछि जोगियानगर जतए रहै छला दु भाइ- दीना आ भदरी। मुसहर जातिक रहथि आ खेती करैत छलाह।

पाँच-पाँच मोनक कोदारि छलन्हि आ बिगहा भरि जमीन तामि लै छलाह दिन भरिमे।

जोगियानगरक बगलमे जाँजर गाम छल। ओतुक्का जमीन्दार छल कनक सिंह आ ओकर पत्नी रहए बुधनी। बड़ बदमाश दुनू टा। बोनिहार केँ देखए नहि चाहैत छल।

कनक सिंहकेँ पता चललै जे दीना-भदरी लग पाँच-पाँच मोनक कोदारि छै आ ओ सभ बिगहा-बिगहा भरि जमीन तामि लै छथि दिन भरिमे। ओ जोगियानगर गेल आ दीना-भदरीकेँ अपन गाम बजेलकै खेतीक करबा लेल। दीना-भदरीकेँ कनक सिंहक बोनिहारपर कएल जा रहल अत्याचार बुझल रहै। मारि-मारि कऽ छूटलाह ओ दुनू गोटे कनक सिंहपर। भागल कनक सिंह।

बुधनीकेँ पता चललै। ओ सलहेस थान गेल। कठोर तपस्या केलक। सलहेस प्रकट भेलाह। -माँग की चाही!

-दीना-भदरीक प्राण।

-आह।

सलहेस मूर्छित भऽ गेलाह। मुदा वचनक हारल। की करताह?

रातिमे दीना-भदरीकेँ सपना देलन्हि सलहेस।

-कटैया बोन मे आऊ। बड्ड शिकार भेटत।

रातिएमे बिदा भेलाह दीना-भदरी, तीर-धनुष लेने। संगमे मामा बहुरन। रस्तामे नंगड़ागोड़िया गाम, ओतए रहैत छलाह हुनकर सभक दोस जीतन यादव। हुनको शिकारक लेल चलबाक लेल कहलन्हि।

अमावस्याक राति! अन्हार गुज्ज।

मुदा शिकार एक्को टा नहि। बादुर घुमैत। दीना एसगरे जंगलक बीचमे चलि गेलाह। ओतए ठाढ़ि छलि बुधनी, सलहेस सेहो संगमे छलाह।

बुधनी बाजल:

-बोनक जानवरक देवता सलहेस अपन खुनीमा बाघ बजाऊ।

दीना बाण चलेलन्हि मुदा बाण रस्ता बिसरि जाइत छल। मल्ल युद्ध भेल। दीना सलहेसक नाम लए आक्रमण कएलन्हि, बाघकेँ मारि देलन्हि।

बुधनी बजल- भेष बदलैबाली अपघात भेलि बाघिनकेँ बजाऊ।

सलहेस दीनाक वीरतासँ प्रसन्न छलाह मुदा करथि तँ करथि की?

बगराक भेष बना कए बाघिन आयलि आ दीनाकेँ अपन बिखाह चांगुरसँ मारि देलक।

तखने भदरीक मोन बिखिन्न सन भेलैक।

-बहुरन मामा। हम जा रहल छी भैया लग। अहाँ गाछपर बैसि कऽ प्रतीक्षा करू।

लहास लग पहुँचलाह भदरी मुदा ओ बहुरुपिया बगरा हुनको मारि देलकन्हि।

बुधनी घर घुरि गेलि।

दीना आ भदरीक आत्मा दु गोटेक शरीरमे पैस गेल। बहुरन लग पहुँचलाह दुनू गोटे।

-अहाँक दुनू भागिन मारल गेलाह। गाम खबरि करू। लहास लऽ जाऊ। श्राद्ध करबाऊ। तावत जीतन सेहो पहुँचि गेलाह। जीतन गाम लऽ गेलाह दुनू गोटेक लहासकेँ आ स्वयं अग्नि देलन्हि दुनू गोटेकेँ।

दीना-भदरीक माए निरसो। श्राद्ध लेल पाइये नहि। की करतीह?

सपना देलन्हि दीना-भदरी।

-माए। घरमे तूर अछि। बनीमा लग लऽ जाऊ। ओकर बदलामे ओ जे देत ताहिसँ हमर श्राद्ध भए जएत।

बनीमा जोखलक तूरकेँ- हँसैत। एक दिस तूर आ दोसर दिस बताशा। मुदा ई की? भरि दोकानक समान तौला गेल मुदा तूरबला पलड़ा नहि उठल। दीना-भदरी बैसि गेल रहथि ओहिपर।

बनीमा हाथ जोड़ि कऽ ठाढ़ भए गेल, निरसो संग बोनिहार आ समान पठा देलक। जेवार देलन्हि निरसो। दीना-भदरी रूप बदलि बारिक बनलाह। सभकेँ पड़सिकऽ खुअओलन्हि।

तखने दीना असल रूपमे आबि गेलाह। हुनकर कनियाँ हंसा हुनका देखि लेलन्हि। निरसो केँ ओ ई गप कहलन्हि- मुदा ओ गप नहि मानलन्हि।

-अपन छाती सात तह कपड़ासँ बान्हि लिअ आ ओकरा लग चलू जे दीना बनि गेल छल।

निरसो ओतए गेलीह। दूध निकलि कऽ दीना-भदरीक मुँहमे चलि गेल आ ओ दुनू गोटे बिला गेलाह।

फेर दीना-भदरी बिदा भेलाह मोरंग। जोरावरसिंह केँ मारि मुसहरक उत्थान कएलन्हि। फेर ताहिरकेँ मारलन्हि। फेर सुनरियाकेँ मारलन्हि। फेर धारक कातमे मारलन्हि डैनियाही बुधनीकेँ। डेढ़ सए दुष्टक नाश केलन्हि दीना-भदरी।

सलहेस बजलाह:

-जतए-जतए हमर पूजा हएत, ततए-ततए अहाँक पूजा सेहो हएत।

सलहेस आ दीना-भदरीक गहमर संगे रहए लागल तहियासँ।

फेर दीना-भदरीकेँ मुक्ति भेटि गेलन्हि। परलोकमे सलहेस आ दीना-भदरी संगे रहए लगलाह।

2.अमर बाबा

कमला धारक जन्म भेलन्हि। िकसान आ मलाह सभक जीवन आनन्दित भऽ गेल।

कमला पैघ भेलीह। बैदला बदमाशक मोनमे खोट आबि गेलै। ओ चमार जाितक सरदार छल। ओ

बरजोड़ी कमलासँ िबयाह करऽ चाहलक।

मलाह लोकनिकेँ एहि गपक पता चललन्हि तँ ओ सभ भोला बाबाक तपस्या करए लगलाह।

-कमलाक सतीत्व बचाऊ महादेव।

भोला बाबा उपाय केलन्हि। िशवरा गामक मलाह परिवारमे अमरिसंहक जन्म भेल।

अमर िसंह पैघ भेलाह। अखराहामे मािट देलन्हि बैदलाकेँ अमर िसंह। युद्ध भेल आ बैदला मारल

गेल।

मलाह लोकनि बैदलाक खानदान नष्ट करए चाहै छलाह। अमरिसंह बैदलाक गभर्वती कनियाँ केँ मािर

देलन्हि मुदा ओकर बच्चा तखने जनमल छल मुदा छल ओ बड्ड बलवान। कमला िकछु भेद बतेलन्हि आ अमरिसंह बैदलाक बेटाकेँ मारलन्हि।

मलाह लोकनि अमर िसंहक गहमर बना कए आइयो पूजा करै छथि, कमला धारक प्रति श्रद्धानवत

भऽ कऽ।

3.मोतीदाइ

गाम उजैनी। गहिल माताक भगतिन मोतीदाइ। मोतीदाइ जाितक रजक। एक िदनक गप, बाड़ीमे

गोबर पािथ रहल छलीह मोतीदाइ। गुअरटोलीक जनानी सभ हुनका देिख कऽ बाजल।

-अपन माल-जाल भगाऊ नहि तँ सभटा माल-जाल बिसखि जाएत, बाँझ भऽ जाएत; जेना ई मोतीदाइ अछि।

मोतीदाइ दुखसँ भरि गेलीह। गहिल माताक गहमर गेलीह, पीड़ी खोदऽ लगलीह। गहिल माता प्रगट

भेलीह।

-ठीक छै। हम इन्द्रक दरबार जएब आ अहाँ लेल बच्चा माँगब।

इन्द्रक दरबार। गहिल माता अपन भगतिन लेल बच्चा मँगलन्हि।

इन्द्र िहसाब लगेलन्हि।

-पूर्व जन्मक फल छै। ओकरा बच्चा नहि िलखल छै।

गहिल माता घुरलीह। मोतीदाइकेँ ई सभ कहलन्हि।

-आह! तखन हमर जीवन िनरथर्क अछि। एहिसँ तँ मरबे नीक।

मरबाक सूरसार शुरू केलन्हि मोतीदाइ।

गहिल माता फेर इन्द्र लग गेलीह। सभटा गप कहलन्हि।

-ठीक छै। बच्चा तँ होएतन्हि मोतीदाइकेँ मुदा छठिहारी िदन ओ मरि जएतन्हि।

सैह भेल। छठिहारी िदन बच्चा मरि गेल। बाँझ होएबाक दुख मुदा खतम भेलन्हि। गहिल माताक

भगता ओ खेलाए लगलीह।

4.मीरांसाहेब

िडलरीनगर। एकटा सैयद छलाह ओतए। एकटा कनियाँ छलखिन्ह आ कैकटा बेटा

छलन्हि। लड़ाका सभ।

नूनजागढ़क युद्ध। मुदा एहिबेर सैयद आ हुनकर सभटा बेटा मारल गेलाह। मुदा हुनकर िवधवा

गर्भसँ छलीह। िकछु िदनमे बच्चा भेलन्हि। नाम राखल गेल मीरां।

ओहो लड़ाका, मुदा माएकेँ ई पसिन्न नहि। हुनकर िबयाह करबाओल गेल कमे बयसमे, जे मोन

युद्धसँ हँटतैक। मुदा..

माए आ कनियाँ बड्ड बुझेलखिन्ह मुदा मीरां असगरे नूनजागढ़ गेला आ बाप-भाएक बदला लेलन्हि आ

घुिर कऽ िडलरीनगर अएलाह।

हुनकर आत्माक प्रभावसँ िडलरीनगरमे हुनकर मृत्युक बादो बहुत िदन धिर शान्ति रहल।

5.िबहुला

चम्पानगर।

ओतए एकटा पैघ बनिजारा- चाँद सौदागर।

िशवजीक भक्त।

एक बेर िवषहारा मनसा सोचलक जे ओ कैलाश त्यािग मृत्युलोक आबि जाए। लोक ओकर पूजा

करत।

मनसा मृत्युलोक आयलि- चम्पानगर। चाँद सौदागरकेँ कहलक- हमर पूजा कर।

मुदा चाँद सौदागर िशवक भक्त। मना कऽ देलक।

मनसा क्रोिधत! चाँद सौदागरक सात टा बेटा। मनसा सातूकेँ कािट लेलक। सभ मरि गेल।

फेर एक बेर जहाजसँ अबैत रहए सौदागर चाँद। दूर देशसँ। मनसा जहाज डुमा देलक।

कंगाल भऽ गेल चाँद। मुदा तखने ओकरा एकटा बेटा भेलै। लखिन्दर नाम राखल गेलै ओकर।

चाँद सौदागर डरायल रहए से अखण्ड सौभाग्यवती कन्या िबहुलासँ बेटाक िबयाह करेलक

लखिन्दरक। आब की करतीह मनसा?

मनसा सपना देलन्हि चाँद सौदागरकेँ। कोहबरमे डसब तोहर बेटाकेँ।

पातर जालीसँ कोहबर बनबओलक चाँद। आब की करतीह मनसा?

मुदा मनसा पातरो सँ पातर भऽ गेलीह। कािट लेलन्हि आ लखिन्दर खतम।

मिथिलामे साँपक काटलकेँ केराक थम्हमे बान्हि देल जाइत अछि। बहि गेल लखिन्दर गंगामे।

मुदा िबहुला। ओही केराक थम्ह पर बैिस गेलीह पिताक संग।

संगम पहुँचैत गेलाह सभ, त्रिवेणी घाट! एकटा धोिबन कपड़ा खीिच रहल छलीह। बेटा कानए

लगलन्हि तँ ओकरा मािर कऽ कपड़ासँ झाँिप देलन्हि। फेर जाइ काल ओकरा िजया कऽ िबदा

भेलीह। पुछलन्हि िबहुला- तँ पता लागलन्हि जे मनसाक कृपासँ ई सम्भव अछि।

तप, तप तप। िबहुलाक तपसँ प्रसन्न मनसा लखिन्दर आ जेठ सातू भाँएकेँ िजया देलन्हि।

चाँद सौदागर प्रसन्न। चम्पानगरक लोक प्रसन्न। सभ मनसाक आ संगमे िबहुलाक पूजा करए लगलाह

तहियासँ।

6.मोतीसाएरि

मोरंग।

राजा भीमसेन। िनःसन्तान।

यज्ञ। कन्याक प्राप्ति। नाम मोतीसाएरि।

पैघ भेिल मोतीसाएरि।

-कुंडली देखू पंिडत।

पंिडत कुंडली देखलन्हि। एकरासँ जे िबयाह करत से एहि प्रपंचक सभटा सुखपर अधिकार करत।

सोचलन्हि-

-अद्भुत। एकरासँ जे हमहॴ िबयाह कऽ ली।

मुदा कहताह कोना?

-अहाँक बेटीक भाग्यमे अनिष्टे-अनिष्ट। अहाँ आ अहाँक राज्यक समापन भऽ जएत। अविलम्ब एकरा

राज्यसँ बाहर करू।

एकटा पैघ सन्दूकमे खेनाइ-िपनाइक सामग्रीक संग मोतीसएरि बन्द भऽ गेलीह। हुनका बहा देल गेल

धारमे। पंिडत चाहलक जे संदूक ऊपर कऽ ली। मुदा प्रवाह तेज रहै। बहि गेल संदूक। आ एकटा

बोनमे कात लागल।मोरंगक बोन। एकटा सरदार रहए गवल। बोनक सरदार। ओ मोतीसएरिकेँ बेटी

जेकाँ मानए लागल।

पंिडतकेँ एहि गपक पता लािग गेलैक।

राजाकेँ फेर सन्तान प्राप्तिक िललसा भेलैक। पंिडतसँ पुछलक।

-राजन्। मोरंग बोनक गवली सरदारक पुत्रीसँ जे अहाँक िबयाह भऽ जाए तँ पुत्रक प्राप्तिक योग

अछि!

पंिडत सोचलक जे बेटीसँ िबयाह केने ओकरा राज्यसँ च्युत कऽ देल जएतैक। आ फेर पंिडत राजा

बनि सकत।

गवलसँ भयंकर युद्ध। भीमसेन हािर गेल।

भीमसेन पंिडतसँ मंत्रणा कए यादव जाितक सरदार कृष्णारामकेँ बजेलन्हि।

-गवलक बेटीकेँ आनि कऽ िदअ आ अदहा राज्य लऽ जाऊ।

बुझेलक गवलकेँ कृष्णाराम, मुदा गवल नहि मानल। आक्रमण केलन्हि कृष्णाराम मुदा नहि हारल

गवल। मरछौर िछटवा देलन्हि कृष्णाराम। मोतीसाएरिकेँ भीमसेन लग पहुँचा देलन्हि आ आधा मोरंग

भेिट गेलन्हि कृष्णारामकेँ।

मुदा जखने िबयाहक प्रस्ताव देलन्हि भीमसेन मोतीसाएरि शाप देलन्हि आ अपने अन्तर्धान भऽ गेलीह,

मोक्ष भेटलन्हि हुनका। भीमसेनक राज्य खतम भऽ गेल।

७.माधव सिंह आ अमता गाम

मिथिलामे माधव सिंहक राज्य छल तखने भयंकर दुर्भिक्ष आयल।डबरा-चभच्चा धरि सुखा गेल। दरबार बजाओल गेल।

-राजन्। नेपालक दरबारमे रामनवाज, सीताराम, राधाकृष्ण आ करताराम चारि संगीतज्ञ छथि आ चारू भाइ छथि। हुनकर संगीतमे जादू छन्हि। ओ संगीतसँ बरखा करबा सकै छथि।

नेपालसँ आग्रह कएल गेल तँ ओ राधाकृष्ण आ करतारामकेँ मिथिला दरबारमे पठेलन्हि। ई दुनू गोटे ध्रुवपदक प्रसिद्ध गबैय्या छलाह। जखन ई दुनू भाँए पखावजी भीम मल्लिकक संग राग मेघ मल्हारक सुरक नोम-तोम पूर्ण केलन्हि तँ घटा आबि गेल। बन्दिश प्रारम्भ भेल आ भीम मल्लिक पखावजपर थाप देलन्हि तँ बुन्नी पड़ए लागल। फेर बरखाक पानि दरबार आबि गेल। चारू दिस दूत पठाओल गेल जे कतहु रुक्ख तँ नहि अछि। आ जखन ई पता लागि गेल जे कतहु रुक्ख नहि अछि तखन जा कऽ गायन खतम भेल।

राजा हुनका सभक लेल अमता गाममे घर बनबा देलन्हि आ ओहि गाममे खीरीक गाछ लगबा देलन्हि जकर फरमे दूध भरल रहैत छल।

राजा अमता गाम ध्रुवपदक आनन्द लेबाक लेल जाइत रहैत छलाह। मृत्युकालमे राजा ध्रुवपद सुनबाक लेल अमता गाम बिदा भेला मुदा रस्ते मे हुनकर मृत्यु भऽ गेलन्हि।

८.उगना

विद्यापति शिवक भक्त छलाह। हुनकर नचारी सुनि कऽ शिव कैलासमे नाचए लगैत छलाह आ एक बेर ओ निर्णय लेलन्हि जे ओ विद्यापतिक घरमे नोकर बनि रहताह।

विद्यापतिक पत्नीक नाम चन्दन छलन्हि आ शिव जखन नोकरक भेषमे उगना बनि पहुँचलाह तँ विद्यापति पत्नीक सहायता करबाक लेल उगनाकेँ नोकर राखि लेलन्हि।

एक बेर विद्यापति कतौ जाइत छलाह। उगना संगमे छलन्हि। रस्तामे गुमारसँ विद्यापति बेकल छलाह, पियास लागि गेलन्हि। मुदा पानिक कतहु पता नहि। उगना सेहो पानि लेल चारू दिस घुमल आ घुमि कऽ आयल तँ विद्यापतिकेँ मूर्छित देखलक। तखन उगना अपन असली रूपमे आबि कऽ जटाक गंगधारसँ पानि निकालि विद्यापतिकेँ पियेलखिन्ह। विद्यापतिकेँ होश अएलन्हि, मुदा गंगाजलक स्वाद ओ परखि लेलन्हि। उगनाक केश एखनो भीजल छल ओ बुझि गेलाह जे ई साक्षात् शिव छथि। शिव अपन असली रूपक दर्शन विद्यापतिकेँ देलखिन्ह।विद्यापतिकेँ दुख भेलन्हि जे ओ शिवकेँ नोकर राखलन्हि मुदा शिव तँ विद्यापतिक नचारीक भूखल। कहलखिन्ह जे अहाँक गीत सुनबाक लेल हम नोकर बनि कऽ रहब मुदा जहिये अहाँ ई भेद खोलि देब तहिये हम अन्तर्धान भऽ जएब।

एम्हर पार्वती दुखी छलीह। से एक दिन जखन चन्दन विद्यापतिकेँ तेतरि अनबाक लेल पठेलन्हि तँ पार्वती सभटा तेतरि पहिनहिये तोड़बा लेलन्हि। उगनाकेँ एकोटा तेतरि नहि भेटलन्हि आ जखन ओ घुरलाह तँ तामसमे चन्दन बाढ़नि लऽ कऽ छुटलीह। विद्यापतिकेँ ई देखल नहि गेलन्हि आ ओ हा शिव! कहलन्हि आकि शिव अन्तर्धान भऽ गेलाह। तकर बाद कतेक दिन धरि विद्यापति विक्षिप्त रहलाह।

9.चूहड़मल आ ओकर रेशमा

मोकामा घाट।

चूहड़मल गरीब बोनिहार, जातिक दूधबंसी (दुसाध)।बापक नाम राजवंसी, माताक अंजनी आ काकाक नाम बैसीराय । अखरहाक वीर।

रेशमा पाइ बला बाप अजबी सिंहक बेटी, अजय सिंहक बहिन। भुमिहार ब्राह्मण जातिक।

एक दिन भेँट भेलै गंगा धारक कातमे तँ ओकरा देखिते रहि गेलीह रेशमा। प्रेम व्यक्त कऽ देलन्हि। कतबो बुझाबथि चूहड़मल मुदा गप बुझबे नहि करथि। भेँट करबा लेल आबि जाथि।

पहरा पड़ि गेल रेशमापर।

रेशमाक भाइ अजय सिंहक कहलापर गड़ेरिया रामजीत आ मन्ने खाँ बिदा भेलाह चूहड़मलक गरदनि कटबाक लेल। मुदा आहि रे ब्बा। कथी ले से होएत उनटे चूहड़मल तरुआरिसँ गरदनि काटि लेलक गड़ेरिया रामजीत आ मन्ने खाँक।

आक्रमण। दूधबंसी टोलपर।

मुदा रेशमा गेल बाप अजबी सिंहक लग आ रोकबेलक आक्रमण।

गेलि रेशमा सखी-बहिनपा रामसखीक संग फेर चूहड़मलसँ भेँट करबा लेल, गंगाक तटपर। रामसखी जादूसँ दऽ आयल रेशमाकेँ चूहड़मल लग। जादूक असरिसँ क्यो रेशमाकेँ देखि नहि सकल। घोड़ापर दुनू गोटे मोकामा टाल लग काली मन्दिर गेलाह, चूहड़मल अपन शोनितसँ रेशमाकेँ सिन्दूर देलक, , पुरहित आशीष देलक। मुदा घेरि लेल गेलाह। महुक गाछपर बैसा देलक रेशमाकेँ चूहड़मल। भयंकर युद्ध, मुदा चूहड़मल जितय बला रहए तखने कलुआ सिपाही रेश्माकेँ लऽ कऽ भागि गेल। दौगल चूहड़मल, घोड़ापर चढ़ि कऽ, मुदा घोड़ा मारल गेल आ रेशमा-रेशमा करैत चूहड़मल मरि गेल।

बचल अछि स्मृति टा मात्र, रेशमा आ चूहड़मलक, मोकामा टालक रेशमा-चूहड़मल मंदिरमे, जतए सभ बरख लगैए मेला।

१०.मूँगा आ जालिम सिंह

बेतिया राज।

जालिम सिंह, राजपूत, सिपाहीक सरदार । एक दिन इनार पर पानि भरैत देखलक मूँगाकेँ जे रहथि दूधबंसी (दुसाध)। पानि पिएबाक प्रार्थना कएलक जालिम मुदा भागि गेलीह मूँगा।

बेतिया राजाक मुँहलग्गू पृथ्वीपाल सिंह दुष्ट। जालिम सिंहक विरुद्ध कुचक्रमे लागल रहै छल। मुदा मलाह पट्टू जालिमक संगी। एक बेर आक्रमण करबेलक पृथ्वीपाल तँ पट्टू सभ टा आक्रमणकारीक मूड़ी काटि लेलक। पृथ्वीपाल राजाक कान भरए लागल, अनर्गल गप सभ, मूँगाक विषयमे सेहो। राजा खिसिया गेलाह जालिमपर।

गुरु मौनी बाबालग जालिम पट्टूक संग गेल।

-छोड़ि दे मूँगाक संग।

मौनी बाबाक गप सुनि जालिम हतप्रभ।

भवानीक नाम लऽ पट्टू मलाह खून कऽ देलक पृथ्वीपालक। मुदा पृथ्वीपालक लोक सभ घेरलक पट्टूकेँ आ ओकरो मारि देलक।

एम्हर मूँगाकेँ पठा देल गेल बेतियाक बोनमे, कनुआ दुसाध लग। मूँगाक भौजीक भाए छल कनुआ। सवा मोन दूध आ एकटा खस्सी रोजीना खाइ छल। महीसपर सबारी करै छल। आ महीसो तेहन जे बाघक शिकार करै छल। बोनक देवी लग बान्हल छलीह मूँगा आ खाँड़ासँ मूड़ी काटत ओकर कनुआ। तखने आएल जालिम आ भालासँ प्राण लेलक कनुआक महीसक। फेर युद्ध आ कनुआ मारल गेल। ओतहि सिनूर देलक जालिम, पुरहित आशीष देलक। अनलक गामपर, कहलक जे ई क्षत्राणी छी। मुदा जालिमक भाए कुँअरकेँ पाता लागि गेलै जे मूँगा दूधबंसी छी। माए मुदा जालिमक संग देलन्हि। मुदा एक दिन भाइ सभ जालिमपर आक्रमण कए भागि जाइ गेलाह। मूँगा अएलीह तँ वरकेँ जालिमक दोस भैरवक घर बिदा भेलीह। मुदा रस्तेमे मूँगा वरक हालत देखि कऽ वैद्य लग रुकि गेलि। मरहम-पट्टी भेलै जालिमक। फेर कनैत-कनैत माए आ भाए सभ अएलाह आ जालिम आ मूँगाकेँ घर लए गेलाह। सभ हँसी-खुशी रहए लगलाह।

११

ऊँटनीसँ खेत जोतल जाइ छैक हरियाणामे। आरिपर जालक गाछ सेहो रोपल जाइत छैक। एहि जालक गाछमे लू बहलापर पीअर फर सेहो लगैत अछि।

एहने वातवरणमे एक गोट किसान ऊँटनीसँ हर जोइत रहल छल। हर जोतैत-जोतैत ऊँटनी अपन नमगर गरदनि नमराय जालक गाछसँ पात खा लेलक। मुदा संजोग जे पात गोलठिया कऽ ओकर गरदनिमे अँटकि गेलैक।

तखने एक गोटे जे ओहि खेतक आरि देने कतहु जा रहल छल आएल आ पुछलक जे की भेल।

किसान कहलक जे ओकर ऊँटक गरदनिमे किछु अँटकि गेल छैक आ हर जोतब छोड़ि बेचैन अछि।

ओ व्यक्ति पुछलक जे ई हर जोतैत-जोतैत दहिना कात गेल छल की?

-नञि।

-उत्तर।

-नञि।

-दक्षिण।

-नञि।

-वाम।

-हँ।

-फेर ओ जालक पातपर मुँह मारने रहए की?

-हँ।

-कोनो गप नहि।

ई बाजि ओ व्यक्ति ऊँटक गरदनिपर एक हाथ मारलक। नुरिआएल जालक पात ऊँटक गरदनिसँ बाहर आबि गेल आ ओ निचेन भऽ गेल।

किसान पुछलक जे अहाँ ई करएमे कोना सक्षम भेलहुँ।

ओ व्यक्ति कहलक जे हम डॉक्टर छी। तेँ।

किसान कहलक- अच्छा। तखन तँ हमहुँ डॉक्टरी कऽ सकैत छी।

ओ गाम गेल। ओतए एकटा बुढ़िया सूतल रहए। ओकर मोन खराप रहए।

ई चिकरैत घूमि रहल छल जे हम डॉक्टर छी। ककरो जे इलाज करेबाक होअए तँ हमरा लग आऊ आ इलाज कराऊ।

बुढ़ियाक परिवारजन एहि डॉक्टरकेँ बजा कऽ अनलक।

डॉक्टर पूछब शुरू कएलक।

- बुढ़ी दहिना कात गेल छलीह की?

-नञि।

-उत्तर।

-नञि।

-दक्षिण।

-नञि।

-वाम।

-नञि।

- एक बेर हँ कहि कऽ तँ देखू।

ओकर परिवार बला सभ हँ कहि देलक।

फेर जालक पात खेलन्हि की? एहि प्रश्नक उत्तरमे सेहो परिवार बला सभ आश्चर्य व्यक्त कएलक जे मनुक्ख जालक पात किएक खाएत?

मुदा एहि डॉक्टरक कहलापर ओ सभ हँ कहि देलक।

आब डॉक्टर बुढ़ीक गरदनिपर मारलक। ओ तँ लटकले छलीह। से हुनकर प्राण निकलि गेलन्हि।

आब घरमे मात्र तीन गोटे रहथि से बूढ़ीकेँ कन्हा देबाक लेल डॉक्टरोकेँ जाए पड़लैक, लहाश उघि कऽ डॉक्टर बेसुध भऽ गेल। बूढ़ीक अन्तिम क्रिया भेल आ तखन जे डॉक्टर फीस मँगलक तँ ओ सभ ओहि डॉक्टरपर मारि-मारि कए छुटल।

डॉक्टर ओतएसँ भागि दोसर गाम पहुँचल आ फेर इलाज कराऊ, इलाज कराऊ, ई कहि चिकरय लागल।

एक गोटे अएलाह।

-चलू। हमर बाबूजीक मोन खराप छन्हि। इलाज कए दियन्हु।

-इलाज तँ हम कए देबन्हि। मुदा लहासकेँ कान्ह हम नहि देब।

“अपना दिसुका खिस्सा सन्ह नै अबैए”।

“खूब अबैए। मुदा हमरा भेल जे अहाँकेँ तँ अबिते हएत, से नहि कहलहुँ”।